Спорт
Кари ги раздвижи Вориорс, Јокиќ блескаше против Мемфис (Видео)
Изминатата ноќ во НБА лигата се одиграа 11 натпревари кои донесоа многу возбудувања и брилијантни индивидуални изданија на Стеф Кари, Карл-Ентони Таунс, Леброн Џејмс, Никола Јокиќ и Пол Џорџ.
Голден стејт Вориорс против Минесота Тимбервулвс славеа со 1…
Изминатата ноќ во НБА лигата се одиграа 11 натпревари кои донесоа многу возбудувања и брилијантни индивидуални изданија на Стеф Кари, Карл-Ентони Таунс, Леброн Џејмс, Никола Јокиќ и Пол Џорџ.
Голден стејт Вориорс против Минесота Тимбервулвс славеа со 116:108. Стартот на натпреварот кога Вориорс поведоа со 13.0 и крајот на третата четвртина кога домаќинот ја врати двоцифрената разлика (91:77) го одредија победникот.
Стеф Кари постигна 38 поени, со седум скока и шест асистенции, а Клеј Томпсон го следеше со 26 коша. На спротивната страна Карл-Ентони Таунс имаше 31 поен и 11 скока.
ЛА Лејкерс во неизвесен финиш ги совладаа Мајами Хит 108:105. Леброн Џејмс против својот поранешен тим беше на чекор до трипл-дабл (28 поени, девет скока, 12 асистенции). Инаку, најефикасен кај Лејкерси беше Кајл Кузма со 33 поени.
Никола Јокиќ доминираше во победата на Денвер Нагетс над Мемфис Гризлис 105:99. Српскиот центар натпреварот го заврши со 27 поени, 12 скока и шест асистенции).
Оклахома Тандер славеа во дуелот против Јута Џез 122:113. Блескаше Пол Џорџ со 31 поен, тој погоди осум од десетте удари од поле.
Далас Маверикс убедливо славеа над Орландо Меџик 101:76. Сензационалниот руки, Лука Дончиќ мечот го заврши со седум поени, 11 скока и девет асистенции.
Резултати:
Инсијана Пејсерс-Вашингтон Визардс 109:101
Филалделфија ’76-Детроит Пистонс 116:102
Бостон Селтикс-Њу Орлеанс Пеликанс 113:100
Чикаго Булс-Сакраменто Кингс 89:108
Милвоки Бакс-Кливленд Кавалирс 108:92
Феникс Санс-ЛА Клиперс 119:123
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.