Спорт
Кировски: Ибрахимовиќ нема да оди во Милан
Техничкиот директор на Лос Анџелес галакси, поранешниот американски фудбалер со македонско потекло, Јован Кировски вели дека Златан Ибрахимовиќ нема да замине во Милан и ќе остане во неговиот тим и следната сезона.
Денеска италијанските весници и медиу…
Техничкиот директор на Лос Анџелес галакси, поранешниот американски фудбалер со македонско потекло, Јован Кировски вели дека Златан Ибрахимовиќ нема да замине во Милан и ќе остане во неговиот тим и следната сезона.
Денеска италијанските весници и медиуми шпекулираа дека агентот на Швеѓанецот, Мино Рајола во Милано ги договара деталите за враќањето на Златан на „Сан Сиро“, каде што играше од 2010 до 2012 година и освои една титула од Серија А. 37-годишниот Швеѓанец постигна 22 гола во 27 меча за Галакси во првата сезона во МЛС и Кировски сака ѕвездата да остане во САД.
„Ибрахимовиќ е фантастичен фудбалер за нас и целата МЛС лига. Тој е најдобриот фудбалер кој пристигнал во Америка, вистински убиец, кој секогаш сака да постигнува голови и да победува. Неговиот договор не истекува, бидејќи има уште една година со нас и сакаме да биде среќен и да продолжи. Има многу одлични фудбалери, но никој не е како него“, вели Кировски за „Скај Италија“.
Според многу извори, токму Кировски бил клучниот човек кој го убедил Ибрахимовиќ да потпише за Галакси од Манчестер јунајтед, бидејќи тој верувал во неговото враќање во форма по повредата на коленото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.