Спорт
Клоп: Против Наполи ќе го добиеме тоа што го заслужуваме
Јирген Клоп, менаџерот на минатогодишните финалисти од Лигата на шампионите, Ливерпул, вели дека е време да се исправат грешките во нивната нова сезона пред дуелот со Наполи, кој може да значи елиминација во групната фаза.
Трите порази на гости на „црв…
Јирген Клоп, менаџерот на минатогодишниот финалист од Лигата на шампионите, Ливерпул, вели дека е време да се исправат грешките во новата сезона пред дуелот со Наполи, кој може да значи елиминација во групната фаза.
Трите порази на гости на „црвените“ значат дека тие мора да го победат Наполи со 1:0 или со два гола разлика на „Енфилд“ во вторник за да одат понатаму. Ливерпул загуби од Наполи на гости во меч во кој доминира, а загуби и од Црвена звезда и од Пари Сен-Жермен на гости.
„По мечот со Наполи, знаевме дека не сме доволно добри. Во Белград не беше подобро. Во Париз имавме подобар меч, бидејќи ПСЖ е силен тим на својот стадион. Им дадовме добар меч и загубивме. Им кажав на момците дека ако не се случи ништо со судиските одлуки, утре ќе го добиеме тоа што го заслужуваме. Имаме шанса и мораме да ги поправиме грешка. Кога имате шанса, не смеете да ја пропуштите“, вели Клоп.
Ливерпул, по викендов, е на првото место во Премиер лигата кога Манчестер сити загуби на гостувањето кај Челси, но Клоп вели дека предноста од еден поен во овој дел од сезоната не значи ништо.
„Нема да се смениме. Уште е декември, не е ниту Божик, а сезоната завршува во мај. Не се занесуваме бидејќи знаеме колку е тешко“, додава Клоп.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ноер го урна рекордот на Касиљас во Лигата на шампионите
Баерн,во Минхен, го победи Арсенал со 1:0 и со вкупен резултат 3:2 се пласираше во полуфиналето на Лигата на шампионите. Возвратниот натпревар го реши голот на Џошуа Кимих во 64.минута. Баерн во полуфиналето ќе игра против Реал Мадрид.
Натпреварот на „Алијанц Арена“, го одбележа и рекордот на Мануел Ноер (38). За голманот на Баерн ова беше 58. натпревар во Лигата на шампионите на кој не примил гол, со што ја надмина легендата на Реал, Икер Касиљасс, трет на вечната листа е Италијанецот Џанлуиџи Буфон со 52 натпревари на кои не примил гол.
Ноер на тој начин стана рекордер на елитното европско клупско натпреварување.
Мануел Ноер во кариерата играше за Шалке и Баерн, а во клубот од Минхен е од 2011 година. Според податоците на „Трансфермаркт“, тој одиграл вкупно 513 натпревари за Баварците и со нив два пати ја освоил Лигата на шампионите, во 2013 и 2020 година.
Спорт
Роналдо го доби судскиот спор со Јувентус
Кристијано Роналдо (39) ја доби правната битка против Јувентус поради спорот околу платата. Јувентус ќе мора да му плати на Роналдо околу десет милиони евра плус камата. За потсетување, Португалецот побара од италијанскиот гигант да му исплати дури 19,9 милиони евра заостанати плати кои не ги добил за време на карантинот предизвикан од пандемијата на коронавирусот.
Јувентус двапати ги намали платите за време на кризата со корона. Прво во 2020 година им ги скрати платите на сите играчи подеднакво за да заштеди пари бидејќи немаше приход од билети и натпревари, а потоа во 2021 година управата разговараше со секој играч поединечно за намалување на платата.
Во тој момент Роналдо заработуваше 31 милион евра нето годишна плата и се согласи да ја одложи исплатата на речиси 20 милиони евра додека не заврши пандемијата. Јувентус никогаш не му ги платил тие пари, поради што тој го тужеше клубот.
Роналдо за Јувентус одигра 134 натпревари. Тој постигна 101 гол и забележа 22 асистенции во периодот 2018 – 2021 година.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.