Спорт
Коларов успеа да го „сруши“ Навас и да освои три поени за Србија
Србија имаше одличен старт на Мундијалот во Русија, откако доминираше во 90 минити против најголемото изненадување на минатото СП, Костарика за да стигнат до 1:0 победа благодарение на магичниот гол на Александар Коларов.
Мечот започна со две убави шан…
Србија имаше одличен старт на Мундијалот во Русија, откако доминираше во 90 минити против најголемото изненадување на минатото СП, Костарика за да стигнат до 1:0 победа благодарение на магичниот гол на Александар Коларов.
Мечот започна со две убави шанси на Костарика, прво во втората минута Урена успеа да излезе пред голот на Србите, а потоа во 11. минута по двојниот корнер за Костарика, Гонзалез го имаше пред себе само голманот Стојковиќ, но со глава шутираше лошо.
Србите вратија во 15. минута по одличниот продор на Ивановиќ по десната страна, пред Навас убаво да интервенира. Брзото темпо на игра потоа малку падна, но Србите повторно имаа шанса во 27. минута кога Сергеј Милинковиќ-Савиќ доби долга топка, но голманот на Реал Мадрид повторно спаси гол. Асот на Лацио до крајот на полувремето имаше и убав обид со ножички, кој Навас го одбрани, а судијата оцени дека се работи за офсајд.
СМС, како што Италијанците го нарекуваат Милинковиќ-Савиќ покажа зошто Лацио го цени 100 милиони евра, кога во 50. минута повторно излезе пред Навас, кој беше најзаслужен што Костарика не губеше со неколку гола разлика.
Сепак, отпорот на Костарика беше скршен во 56. минута, кога по слободниот удар од дваесетина метри, Коларов не му даде шанса на Навас уште еднаш да ја спаси својата репрезентација.
That Kolarov free kick #CRCSRB #Kolarov pic.twitter.com/KpyxKoqNtA
— InterYaSkriniar ??????????? (@InterYaSkriniar) June 17, 2018
Во 85. минута од мечот Милинковиќ-Савиќ одлично го наоѓа Митровиќ во шестнаесетникот на Костарика, но овој лошо се снаоѓа и паѓа, а судијата оценува дека немало доволен контакт за пенал.
За Србија ова може да биде многу важна победа, бидејќи во група со Бразил и Швајцарија, без победа против претставникот на Северна Америка не може да се бара место во втората рунда.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.