Спорт
(Видео) Колумбија ги исфрли Полјаците со импресивна победа
Колумбија, конечно, покажа фудбал како што се очекува од нив, доминирајќи против Полска за 3:0 победа и за исфрлање на носителите на групата Х.
Јужноамериканскиот тим беше под остри критики по поразот од 2:1 од Јапонија, но „Лос кафетерос“ се вратија в…
Колумбија, конечно, покажа фудбал како што се очекува од нив, доминирајќи против Полска за 3:0 победа и за исфрлање на носителите на групата Х.
Јужноамериканскиот тим беше под остри критики по поразот од 2:1 од Јапонија, но „Лос кафетерос“ се вратија во вистински стил за со импресивна победа да се вратат во борбата за место во осминафиналето.
По два меча Јапонија и Сенегал имаат по 4 поени, Колумбијците се втори со 3 поени, а Полјаците се пакуваат дома без поени. Во последното место Колумбија и Сенегал директно ќе одлучуваат за патникот во осминафинале, додека Полска ќе се обиде да се врати против Јапонија.
Полјаците имаа поактивен старт на мечот, но двете репрезентации не успеваат да упатат удар кон голот на противниците. Сепак, Колумбија доаѓа во водство во 40. минута откако по одличното уфрлање на Хамес Родригез, новиот дефанзивец на Барселона, Јери Мина го совладува Војчех Шчесни.
Голот ги охрабри Колумбијците на стартот на второто полувреме, преземајќи ја контролата на топката и во 69. минута тоа резултираше со 30. гол за националниот дрес на Радамел Фалкао, откако доби одлична топка од Квинтера и лесно го совлада Шчесни.
Само шест минути подоцна, веќе беше јасно дека Полска заминува дома декласирана, откако сега Фалкао му даде одлична долга топка на Квадрадо кој ги уништува надежита на Полјаците за кам-бек.
Славјето на неколку десетина илјадници колумбиски навивачи во Казан, Татарстан сигурно ќе трае долго во ноќта.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.