Спорт
Колумбија и Јапонија во осминафинале, Сенегал испадна поради жолтите картони!
Колумбија го направи тоа што беше потребно, победувајќи го Сенегал со 1:0, кој иако имаше најмногу шанси пред последното коло, на крајот останува без осминафинале поради повеќе жолти картони од Јапонците, кои загубија со 0:1 од Полска.
Бидејќи со овие …
Колумбија го направи тоа што беше потребно, победувајќи го Сенегал со 1:0, кој иако имаше најмногу шанси пред последното коло, на крајот останува без осминафинале поради повеќе жолти картони од Јапонците, кои загубија со 0:1 од Полска.
Бидејќи со овие резултати, Колумбија е прва со 6 поени, а Јапонија и Сенегал имаат по 4 поени и идентична гол разлика (4:4), патникот во осминафинале се одредуваше по бројот на жолти картони – Сенегалците имаат шест, Јапонците четири!
Со ова се познати сите 16 учесници во осминафиналето (Уругвај, Русија, Шпанија, Португалија, Франција, Данска, Хрватска, Аргентина, Бразил, Швајцарија, Шведска, Мексико, Англија, Белгија, Колумбија и Јапонија). Останува да се види со кого ќе играат Колумбија и Јапонија – Колумбија со второпласираниот од групата Г, каде што вечерва играат Белгија и Англија.
Во 12. минута, Колумбија прва се заканува, откако Квинтеро од слободен удар го пронајде „аголот“, но Н’Диаје сигурно ја исфрла топката во корнер. Во 17. минута, српскиот судија Мажиќ суди пенал за Сенегал, но по консултацијата со ВАР се прави проценка дека Санчез не го фаулирал Садио Мане во шестнаесетникот. Уште една ВАР-одлука за дискусија.
It looked like #Senegal would have a penalty, but it was overturned by #VAR.
Challenge by Davinson Sánchez on Sadio Mané in the box.#SENCOL #Colombia #SEN #COL pic.twitter.com/wFIvegfrKL
— Jason Foster (@JogaBonito_USA) June 28, 2018
Сенегал уште еднаш имаше шанса во 27. минута, откако Мане влегува од левата страна, и додава до Кеита, кој го погодува само голманот Оспина. Во 31. минута, Хозе Пекерман прави измена и го вади од игра лутиот Хамес Родригез, кому ништо не му одеше од нога. Останува да се види дали се работи за повреда или за тактичка одлука.
Колумбија воошто не импресионираше во првото полувреме, но во второто имаше повеќе од играта. Муриел во 65. минута упатува силен удар, но топката удира во дефанзивците на Сенегал. Во 74. минута, „Лос кафетерос“ доаѓаат до клучно водство, откако дефанзивецот на Барса, Јери Мина е највисок во скокот и го совладува Н’Диаје.
Јапонија, иако требаше да оди на победа против „отпишаната“ Полска за сигурен пласман во осминафиналето, почетокот на натпреварот го препушти целосно на противниците, кои имаа повеќе посед на топката и повеќе шанси.
Јапонците во 12. минута ја имаа првата поопасна шанса откако по нафрлањето на Нагатомо, Оказаки се закани на голот на европската репрезентација. Полјаците вратија во 21. минута, кога Глик се закани со удар со глава, за во 32. минута да ја имаат најголемата шанса. Гросицки удира со глава од десетина метри, а Кавашима ја вади топката од гол-линијата. Полска бара гол, но по проверката на ВАР јасно е дека топката не ја минала гол-линијата.
Полска поведува во 60. минута, откако Беднарек ја матираше одбраната на Јапонците, оставајќи го азискиот клуб во незавидна ситуација да чека резултат од другиот меч. Полска игра далеку подобро отколку на првите два меча, додека Јапонците напаѓаат без многу идеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.