Спорт
Крај на ПЛ: Лестер и Тотенхем со „класика“ со 9 гола, збогум за Венгер, Салах рекордер… (видео)
Уште една сезона од англиската Премиер лига е зад нас, со сите возбудувања, неизвесности, пресврти, голови и потези. Манчестер сити е заслужениот шампион, а ВБА, Стоук и Свонси патуваат во Чемпионшип.
Последното 38. коло од шампионатот, не носеше голем…
Уште една сезона од англиската Премиер лига е зад нас, со сите возбудувања, неизвесности, пресврти, голови и потези. Манчестер сити е заслужениот шампион, а ВБА, Стоук и Свонси патуваат во Чемпионшип.
Последното 38. коло од шампионатот, не носеше големи резултатски неизвесности, бидејќи позициите на табелата веќе беа воглавном одредени, но тоа не пречеше да има неколку возбудливи натпревари, но и емотивни збогувања.
„Класиката“ на последниот ден дефинитивно се одигра на „Вембли“, каде што Тотенхем стигна до неверојатна 5:4 победа над Лестер сити во меч во кој гостите во еден момент водеа со 2:1, а потоа се вратија за израмнување на 4:4 пред Хери Кејн да го реши мечот со својот втор гол во 76. минута.
Со победата, Тотенхем го обезбеди третото место на табелата зад Манчестер јунајтед (кои со 1:0 ги совладаа Ватфорд) и Ливерпул, кои не дозволија никакви изненадувања и со 4:0 рутински го совладаа Брајтон, а нивната прва ѕвезда Мо Салах (кој претходно ја доби наградата за најдобар играч оваа сезона) постигна еден гол за да го сруши рекордот по бројот на голови во ПЛ со 32. гола во 2017/18. Со ова тој се одвои од Кристијано Роналдо, Алан Ширер и Луис Суарез, кои имаа по 31 гол во сезона со 38 натпревари.
Most goals in a 38-game @PremierLeague season…
3️⃣2️⃣ MOHAMED SALAH
3️⃣1️⃣ Luis Suarez
3️⃣1️⃣ Alan Shearer
3️⃣1️⃣ Cristiano RonaldoCongratulations, @MoSalah! ? pic.twitter.com/oY3DK7Hhxy
— Liverpool FC (@LFC) May 13, 2018
Во Хадерсфилд се одигра еден историски меч, последен на Арсен Венгер на клупата на Арсенал, и топчиите го испратија со минимална 1:0 победа благодарение на голот на неговото последно засилување во клубот од северен Лондон – Пјер Емерик Обамејанг во финишот на првото полувреме.
Свој последен меч на клупата на Челси можеби имаше и Антонио Конте, откако „Сините“, кои лани доминантно ја освоија титулата, загубија со високи 3:0 на гостувањето кај Њукасл со што и дефинитивно нема Лига на шампиони за нив, бидејќи Ливерпул остана недостижен.
Шампионот Манчестер сити стигна до доцна победа над Саутемптон од 1:0, за тимот на Пеп Гвардиола да надмине 100 поени во една сезона.
ПРЕМИЕР ЛИГА, ПОСЛЕДНО 38. КОЛО
Барнли – Бурнемаут 1:2
Кристал палас – Вест Бром 2:0
Хадерсфилд – Арсенал 0:1
Ливерпул – Брајтон 4:0
Манчестер јунајтед – Ватфорд 1:0
Њукасл – Челси 3:0
Саутемптон – Манчестер сити 0:1
Свонси – Стоук 1:2
Тотенхем – Лестер 5:4
Вест Хем – Евертон 3:1
Huddersfield Town 0:1 Arsenal
Одиграна на 13.05.2018 14:00:00 објавено ново
Southampton 0:1 Manchester City
Одиграна на 13.05.2018 14:00:00 објавено ново
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мајами победи во Бостон, Оклахома го згази Њу Орлеанс
Мајами го изедначи резултатот против Бостон на 1:1, а Оклахома победе со 2:0 во серијата против Њу Орлеанс.
Мајами и без Џими Батлер победи во Бостон со 111:101. Мајами против најдобриот тим во регуларниот дел од сезоната постигна 23 тројки, што е рекорд на франшизата во плеј-офот.
Тајлер Хиро погоди шест тројки, а Кејлеб Мартин пет, тие беа и најефикасни во редовите на франшизата од Флорида.
Хиро постигна 24 поени со 14 асистенции и пет скока, додека Мартин додаде 21 поен, колку што имаше и Бем Адебајо, кој додаде и десет скока со две асистенции. Српскиот репрезентативец Никола Јовиќ забележа 11 поени (тројки 3/4), девет скока и шест асистенции.
На другата страна Џејлен Браун постигна 33 поени со осум скока и асистенции, додека Џејсон Тејтум имаше учинок од 28 поени со осум скока и три асистенции.
Оклахома максимално ја искористи предноста на домашниот терен во пресметката со Њу Орлеанс.Тандери го декласираа противникот со 124:92.
Шаи Гилџис-Александер, кандидат за МВП признанието, повторно беше првата виолина на Тандер.
Тој постигна 33 поени со три скока и пет асистенции и две украдени топки. Расположен беше и Чет Холмгрен кој постигна 26 поени со седум скока и асистенција, додека Џејлен Вилијамс додаде 21 поен.
На другата страна, Јонас Валанчиунас постигна 19 поени, Брендон Играм и Херберт Џонс додадоа по 18, додека Си Џеј МекКолум постигна 15 поени.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.