Спорт
Куртоа демантира дека се „плаши“ од Мурињо и Конте
Голманот на Реал Мадрид, Тибо Куртоа ги демантираше вестите дека дал изјава во која стравува дека неговиот клуб ќе го ангажира Антонио Конте или Жозе Мурињо за тренер.
Куртоа играше под Мурињо и Конте во Челси, а двајцата се поврзувани со доаѓање на „С…
Голманот на Реал Мадрид, Тибо Куртоа ги демантираше вестите дека дал изјава во која стравува дека неговиот клуб ќе го ангажира Антонио Конте или Жозе Мурињо за тренер.
Куртоа играше под Мурињо и Конте во Челси, а двајцата се поврзувани со доаѓање на „Сантијаго Бернабеу“ по катастрофалниот старт на сезоната на Хулен Лопетеги.
Во весникот „Ел паис“ се појави вест дека белгискиот голман на своите соиграчи им кажал дека „не може да верува“ дека тие двајца се поврзувани со Реал Мадрид и дека не е подготвен повторно да игра со нив. Белгискиот голман вели дека тоа не е вистина.
„Ги демантирам вестите објавени во Ел Паис околу мојата изјава. Тука се вклучени лаги кои ме повредуваат како професионалец и барам повлекување на веста или ќе побарам легална помош против весникот“, напиша Куртоа на Твитер.
Куртоа ја освои титулата од Премиер лигата со Конте и Мурињо, но се врати во Мадрид поради наводната желба да биде поблиску до своето семејство.
Quiero desmentir rotundamente la información publicada hoy en el @elpais_deportes referente a mi persona. Incluye mentiras que me dañan como profesional y espero una rectificación meditando tomar acciones legales.
— Thibaut Courtois (@thibautcourtois) October 26, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.