Спорт
Лазаров: Се чудам од каде Хрватите ги „вадат“ ракометарите, Лино е гениј
Македонскиот капитен, Кирил Лазаров дел од својата долга кариера ја помина во Хрватска, така што не е чудно што хрватските новинари секогаш го бараат неговото мислење на големите натпреварувања.
38-годишниот Лазаров, како што во интервјуто за хрватски …
Македонскиот капитен, Кирил Лазаров дел од својата долга кариера ја помина во Хрватска, така што не е чудно што хрватските новинари секогаш го бараат неговото мислење на големите натпреварувања.
38-годишниот Лазаров, како што во интервјуто за хрватски „Индекс“ е претставен „единствениот ракометар во историјата со над 1.000 голови“, вели дека очекува „каубоите“ на Лино Червар да отидат далеку на шампионатот.
„Хрватска целосно ја надигра Шпанија и ја уништи во секој смисол. Шпанците постојано ја имаат таа тактика, но таа функционира и затоа се шампиони Европа. Беше чудно да се гледаат моќните Шпанци како немаат идеја. Лино Червар целосно го надмудри Рибера со 5-1 одбраната, а беше убавина да се гледа како игра Дувњак. Тој е неверојатен ракометар. Сите ќе имаат проблеми со Хрватска, иако во хрватските медиуми тврдеа дека ништо не бива од оваа репрезентација. Глупости. Каква и Хрватска да дојде, таа е фаворит. Со било колку деца, барем ќе се борат до полуфинале. Не знам откаде ги вадите тие ракометари. Се восхитувам на тоа што наоѓате млади и непознати ракометари кои бргу стануваат ѕвезди, а тука е и Червар. Тој е стар лисец и ги знае сите трикови. Еден од најдобрите во историјата и затоа треба да му верувате“, вели Лазаров.
Тој исто така зборуваше и за настапот на Македонија на Мундијалот.
„Не се покажавме најдобро, но не мислам дека целосно потфрливме. Имаме млад тим, има малку постари ракометари, а останатите се од градинка. Добивме два натпревари, а со најсилните бевме егал во голем дел од мечевите. Со Хрватска до 53. минута, со Шпанија до 40. минута, со Исланд до самиот крај. Не е возможно со скратен ростер да играте максимално 60 минути и падот е нормален. Тоа беше нашиот основен проблем – хроничен недостаток на енергија“, додава капитенот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.