Спорт
Лакрабер ги крена Французинките на европскиот трон! (видео)
Франција е нов европски шампион во ракомет, откако во финалето во Париз со 24:21 (13:12) ја совладаа Русија, одмаздувајќи се за поразот во натпреварите по групи. Бронзата претходно отиде кај Холандија по победата над Романија.
По тесното прво полувреме…
Франција е нов европски шампион во ракомет, откако во финалето во Париз со 24:21 (13:12) ја совладаа Русија, одмаздувајќи се за поразот во натпреварите по групи. Бронзата претходно отиде кај Холандија по победата над Романија.
По тесното прво полувреме, во кое Франција имаше само гол предност (13:12), домашните ракометарки имаа одлична средина на второто полувреме, одржувајќи предност од два- три гола, која на крајот тимот на Евгениј Трефилов не успеа да ја стигне.
Лидер на Французинките во финалето беше искусната поранешна вардарка, Александра Лакрабер со шест постигнати гола, додека Естел Нзе Минко постигна четири. За Русинките не помогнаа ниту седумте голови на Ана Вјахирева.
Фото: ЕПА
ЕВРОПСКИ ШАМПИОНИ 1994-2018
1994 Данска
1996 Данска
1998 Норвешка
2000 Унгарија
2002 Норвешка
2004 Норвешка
2008 Норвешка
2010 Норвешка
2012 Црна Гора
2014 Норвешка
2016 Норвешка
2018 Франција
Houette runs @FRAHandball to a three-goal lead with a great steal and fast-break goal ? #RUSFRA #ehfeuro2018 #handballissime pic.twitter.com/lqgtVhkp26
— EHF EURO (@EHFEURO) December 16, 2018
? Air Kanor! @FRAHandball are taking command of the #ehfeuro2018 final and goals like this definitely help #RUSFRA #handballissime pic.twitter.com/KGUeAqWS0O
— EHF EURO (@EHFEURO) December 16, 2018
Here’s how @FRAHandball secured a one-goal lead before the break in the #ehfeuro2018 final. It’s 13:12 at half-time. Join us for the exciting 2nd half! #RUSFRA #ehfeuro2018 #handballissime @rushandball pic.twitter.com/cDlSKK6JX0
— EHF EURO (@EHFEURO) December 16, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.