Спорт
Леброн ги растури „своите“, нов пораз на шампионите (Видео)
Леброн Џејмс блескаше против Мајами, Демијан Лилард против Портланд, Никола Вучевиќ одигра уште еден маестрален меч, а шампионите Голден Стејт Вориорс ја потврдија кризата со новиот пораз.
ЛА Лејкерс, предводени од Џејмс, го победија Мајами Хот 113:97….
Леброн Џејмс блескаше против Мајами, Демијан Лилард против Портланд, Никола Вучевиќ одигра уште еден маестрален меч, а шампионите Голден Стејт Вориорс ја потврдија кризата со новиот пораз.
ЛА Лејкерс, предводени од Џејмс, го победија Мајами Хот 113:97. Џејмс го одигра својот најдобар натпревар во новиот тим и со 51 поен, осум скока и три асистенции, го прегази тимот со кој ја освои првата НБА титула.
Црногорецот Вучевиќ, беше на асистенција до трипл-дабл. Забележа 28 поени, 10 скока и девет асистенции во победата на Орландо Меџик над Њујорк Никс 131:117.
Прв пат во клупската историја Орландо постигнале повеќе од 130 поени на два натпревари по ред.
Портланд Трејлблејзерс победија во дуелот со Вашингтон Визардс 119:109. Демијан Лилард го предводеше тимот со 40 поени, Си-Џеј Мекалум уфрли 25, а одличен меч одигра репрезентативецот на БиХ, Јусуф Нуркиќ (13 поени, 14 скока, осум асистенции).
Голден стејт Вориорс го забележаа шесттиот пораз од почетокот на сезоната. Вориорс беа поразени во Сан Антонио 104:92. Ламаркус Олдриџ забележа 24 поени и 18 скока, а Демар Дерозан 20 поени за Спарс, додека Ворирс ги предводеа Кевин Дурент со 26 и Клеј Томпсон со 25 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.
Спорт
(Видео) При резултат 5:1, во 92.минута Тонали намерно добил жолт картон?
Фудбалската асоцијација на Англија (ФА) покрена дисциплинска постапка против играчот на Њукасл, Сандро Тонали (23), поради наводни прекршувања на обложувањето по неговата преселба во Премиер лигата.
За потсетување, италијанскиот играч од средниот ред веќе одлежува 10-месечна суспензија откако Италијанската фудбалска федерација (ФИГЦ) го казни минатиот октомври поради прекршување на правилата за обложување додека беше играч на Милан.
Тонали призна дека ги прекршил правилата за коцкање во својата земја, се обложувал од 2020 до 2023 година на нелегални платформи, а неговата суспензија трае до 27 август.
Сега постапка против него покрена и ФА откако 50 пати ги прекршил правилата, обложувајќи се на фудбалски натпревари помеѓу 12 август и 12 октомври 2023 година.
Откако беше објавено дека Тонали е под истрага и од Англија, се појави видео од натпреварот Њукасл-Астон Вила на 12 август, кога тој дебитираше за „страчките“.
Тонали, беше заменет во 92.минута, а бидејќи бавно ги напушташе теренот доби жолт каротн. Инаку во тој момент Њукасл имаше предност 5:1.
— Goncalodias2 (@goncalovideoss) October 17, 2023
Многумина веруваат дека Тонали точно знаел што прави во оваа ситуација и дека намерно добил жолт картон, бидејќи се обложил. Италијанскиот играч за врска има рок до 5 април да одговори на обвинувањата на ФА.
Тонали во јули минатата година од Милан се пресели во Њукасл за 70 милиони евра, што го прави најскапиот италијански играч во историјата.