Спорт
ЛЕ: Вилијан донесе победа за Челси во Солун, Севилја го здроби Лиеж (видео)
Враќањето на Челси во Лига Европа првпат од 2013 година помина според очекувањата, откако на тешкото гостување во Солун, голот на Вилијан на стартот на мечот беше доволен за победа од 1:0.
Тимот на Маурицио Сари истрча со силен состав на „Тумба“, и Вил…
Враќањето на Челси во Лига Европа првпат од 2013 година помина според очекувањата, откако на тешкото гостување во Солун, голот на Вилијан на стартот на мечот беше доволен за победа од 1:0.
Тимот на Маурицио Сари истрча со силен состав на „Тумба“, и Вилијам уште во шестата минута доби фантастична топка од Рос Баркли за да обезбеди победа на „сините“.
Петкратните шампиони од Лига Европа/Купот на УЕФА, Севилја имаа импресивен старт на овогодишното натпреварување, откако со 5:1 го „здробија“ Стандард Лиеж благодарение на двата гола на Банега и двата на Бен Једер.
Лацио пак, потешко од очекувањата, стигна до 2:1 победа над Аполон од Кипар со головите на Алберто и Имобиле (вториот од пенал), додека во истата група Х, Ајнтрахт Франкфурт и покрај тоа што играше со 10 фудбалери во 89. минута со голот на Јовиќ стигна до 2:1 победа на гостувањето кај Марсеј.
Интересно беше и во Вилјареал, каде што тимот на Стивен Џерард, Ренџерс двапати се враќаше од гол негатива за 2:2 реми.
Фото: ЕПА
ЛИГА ЕВРОПА, 1.КОЛО
ГРУПА Г
Рапид Виена (Авт) – Спартак Москва (Рус) 2:0
Вилјареал (Шпа) – Ренџерс (Шко) 2:2
ГРУПА Х
Лацио (Ита) – Аполон (Кип) 2:1
Марсеј (Фра) – Ајнтрахт Франкфурт (Гер) 1:2
ГРУПА И
Бешикташ (Тур) – Сарпсборг 08 (Нор) 3:1
Генк (Бел) – Малме (Шве) 2:0
ГРУПА Ј
Акхисар (Тур) – Краснодар (Рус) 0:1
Севилја (Шпа) – Стандард Лиеж (Бел) 5:1
ГРУПА К
Динамо Киев (Укр) – Астана 2:2
Рен (Фра) – Јаблонец (Чеш) 2:1
ГРУПА Л
МОЛ Види (Унг) – БАТЕ Борисов (Блр) 0:2
ПАОК (Грц) – Челси (Анг) 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.