Спорт
Ливерпул од пенал до три бода, порази на Лестер и Кристал Палас (Видео)
Успешно попладне имаа екипите кои гостуваа во 22.коло, во Премиер лигата. Тие забележаа три победи и едно реми, а честа на домаќините ја спасија фудбалерите на Барнли.
Лидерот на табелата Ливерпул, гостуваше кај Брајтон, не одигра на потребното ниво, н…
Успешно попладне имаа екипите кои гостуваа во 22.коло, во Премиер лигата. Тие забележаа три победи и едно реми, а честа на домаќините ја спасија фудбалерите на Барнли.
Лидерот на табелата Ливерпул, гостуваше кај Брајтон, не одигра на потребното ниво, но успеа да победи благодарение на голот што го постигна Мохамед Салах од пенал по 50 минути игра. Ливерпул има веќе 18 победи сезонава, а со натпревар повеќе има вишок од седум бода во однос на Манчестер сити.
Саутемптон кај Лестер освои важни бодови во борбата за опстанок во лигата. Ворд-Праус и Шејн Лонг во првиот дел ја најавија победата на „светците“, а конечните 1:2 ги постави Ндиди.
Идентичен гостински триумф 1:2, но со пресврт забележаа фудбалерите на Вотофорд кај Кристал Палас. Двоен стрелец на овој натпревар беше играчот на Вотфорд Каркет, кој најпрвин постигна авто-гол во 38.минута, потоа израмни на 1:1 во 67.минута, а Клеверли во 75.минута пооди за победа на Ватфорд.
Барнли го совлада Фулам со 2:1, а головите беа постигнати во првите 23 минути. Ширле постигна брилијантен гол во втората минута за Фулам, а со головите на Брајан и Одои во 20. и 23.минута Барнли направија пресврт.
Без голови заврши пресметката помеѓу Кардиф и Хадерсфилд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.