Спорт
„Лудакот“ Биелса призна: Ги шпионирав сите тимови во Чемпионшип! (видео)
Менаџерот на Лидс јунајтед, Марсело Биелса призна дека ги шпиунирал сите тимови во Чемпионшип оваа сезона со неверојатна пауер-поинт презентација од 70 минути во која ја покажа својата анализа како да се победи Дерби каунти.
Ова доаѓа откако човек на Л…
Менаџерот на Лидс јунајтед, Марсело Биелса, призна дека ги шпионирал сите тимови во Чемпионшип оваа сезона со неверојатна пауерпоинт-презентација од 70 минути во која ја покажа својата анализа како да се победи Дерби каунти.
Ова доаѓа откако човек на Лидс беше уапсен откако со двоглед го надгледувал затворениот тренинг на Дерби, а Фудбалската асоцијација (ФА) објави дека ќе спроведе детална истрага.
Наместо да ги демантира овие информации, Биелса не скри ништо, покажувајќи како ги подготвува своите фудбалери против противниците, дека има статистика на часови снимки на сите ривали и формации со посебен фокус на мечот со Дерби. Менаџерот на Дерби, Френк Лампард, тврдеше дека ова е „поминување на сите граници“, но Биелса не се согласува.
Пред медиумите и целиот негов тренерски тим, Биелса преку својот верен преведувач Салим Ламрани даде детални одговори.
„Не сакам да се споредувам со претходни вакви случаи, и знам дека некои сметаат дека ова не е фер-плеј, но нема да се бранам со напад на другите. Тоа што го направив не е нелегално. Никаде во правилата нема такво нешто. Можеме да разговараме за тоа дали е добра работа, но не е нелегално. Кога го гледате противникот сакате да добиете информации – кој ќе бида стартниот состав, кој ќе биде тактичкиот ситем. Кога го гледате тренингот на противникот ги добивате тие информации или ги потврдувате своите“, вели Биелса.
University lecturer Bielsa might now be my new favourite Bielsa. pic.twitter.com/tz1lPNkQ4u
— Daniel Edwards ? (@DanEdwardsGoal) January 16, 2019
Шпиунажата се исплатеше – Алиоски со асистенција, Лидс го доби Дерби (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.