Спорт
Луис Енрике ја презеде шпанската репрезентација
Луис Енрике, во четвртокот, официјално стана селектор на фудбалската репрезентација на Шпанија. Поранешниот тренер на Рома, Селта и Барселона, потпишал две годишен договор.
Шпанија за време на Светското првенство мина низ еден турбулентен период, Хулен…
Луис Енрике во четвртокот официјално стана селектор на фудбалската репрезентација на Шпанија. Поранешниот тренер на Рома, Селта и на Барселона, потпишал двегодишен договор.
Шпанија за време на Светското првенство мина низ еден турбулентен период, Хулен Лопетеги два дена пред почетокот на шампионатот доби отказ поради што тимот го водеше спортскиот директор Фернандо Јеро.
Шпанија настапот на Светското првенство го заврши со поразот на пенали од Русија во осмина-финалето.
По завршувањето на Светското првенство, Јеро повтори дека нема намера повеќе да биде селектор, па Сојузот од неколкуте кандидати се реши за трофејниот тренер на Барселона, Луис Енрике.
На својата промоција тој најпрвин им се заблагодарил на челниците за укажаната доверба, а потоа најавил на што ќе посвети најмногу внимание.
„Нема да има никаква револуција, туку ќе има еволуција. Нема драстично да ја менуваме играта, туку ќе гледам да ја унапредиме. Тоа веќе го направив во голем клуб каков што е Барслеона. Постојат аспекти во играта кои може подобро да се одработат. Ќе анализираме сè она што го работеа Лопетеги и Јеро и ќе продолжиме по тој пат“, рекол Енрике.
„Постојат моменти кога треба да бидете благ, но и моменти кога треба да покажете став. Со секој играч тоа е поинаку. Сакам кога имам близок однос со фудбалерите, кога можеме да се договараме. Меѓутоа, досега не сум разговарал со никого. Направив список од 70 фудбалери и детаљно ќе го анализирам“.
Запрашан дали е против Реал Мадрид и неговите фудбалери бидејќи бил тренер на Барселона, Луис Енрике одговорил:
„Не сум против никого. Јас сум селектор на Шпанија и тоа ме прави горд. Сакам да го претставам шпанскиот фудбал на најдобар можен начин“, завршил Енрике.
?️ Luis Rubiales, sobre el posible tanteo a Rafa Benítez:
➡️ “Antes, durante y después del Mundial, el único entrenador con el que hemos hablado ha sido Luis Enrique” pic.twitter.com/Ed56SMZ2H5
— El Partidazo de COPE (@partidazocope) July 19, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.