Спорт
ЛШ: Звезда без предност патува во Словачка, Ајакс пропушти победа во последната минута (видео)
Црвена звезда пласманот во баражот за ЛШ ќе го бара на гости во Словачка, откако на првиот меч против изненадувањето Спартак Трнава одигра само 1:1. Подобриот од овој дуел ќе игра со подобриот од мечот на македонскиот шампион Шкендија против австрискио…
Црвена звезда пласманот во баражот за ЛШ ќе го бара на гости во Словачка, откако на првиот меч против изненадувањето Спартак Трнава одигра само 1:1. Подобриот од овој дуел ќе игра со подобриот од мечот на македонскиот шампион Шкендија против австрискиот шампион, Ред бул Салцбург.
Звезда дојде во водство од пенал во 23. минута, кога сигурен стрелец беше Французинот Бен, но гостите израмнија само две минути подоцна по една брза акција преку Ерик Грендел.
Во интересниот соседски дуел пак, Ајакс имаше 2:0 предност на гостувањето кај Стандард Лиеж, за на крајот со гол од пенал во 94. минута, белгискиот клуб да извлече 2:2. Клас-Јан Хунтелар во 19. минута и Душан Тадиќ во 34. минута донесоа одлична предност за холандскиот претставник, пред Мехди Карсела-Гонзалез да намали на 1:2 во 67. минута. Рено Емон беше сигурен од белата точка за 2:2.
Славија Прага и Динамо Киев одиграа 1:1 во Чешка, а патникот во баражот за ЛШ ќе се одлучува во вториот меч и во дуелот Малме-МОЛ Види, кој заврши со идентичен резултат. БАТЕ Борисов е поблиску до баражот откако со 1:0 победи во Карабаг, а во првиот меч Динамо Загреб со 0:2 ја совлада Астана.
ЛИГА НА ШАМПИОНИ, 3.КВАЛИФИКАЦИСКО КОЛО, 1.МЕЧ
Астана (Каз) – Динамо Загреб (Хрв) 0:2
Карабаг (Азе) – БАТЕ Борисов (Блр) 0:1
Малме (Шве) – МОЛ Види (Унг) 1:1
Славија Прага (Чеш) – Динамо Киев (Укр) 1:1
Стандард Лиеж (Бел) – Ајакс (Хол) 2:2
Црвена Звезда (Срб) – Спартак Трнава (Свк) 1:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…