Спорт
ЛШ: „Црни“ две минути на „Максимир“ – Јанг Бојс го исфрли Динамо (видео)
Преполниот „Максимир“ веќе го прославуваше влезот во Лигата на шампионите по една година пауза, кога швајцарскиот Јанг Бојс приреди шок постигнувајќи два гола за две минути и стигнувајќи до 2:1 победа над Динамо Загреб и пласман во елитата.
Хрватскиот …
Преполниот „Максимир“ веќе го прославуваше влезот во Лигата на шампионите по една година пауза, кога швајцарскиот Јанг Бојс приреди шок постигнувајќи два гола за две минути и стигнувајќи до 2:1 победа над Динамо Загреб и пласман во елитата.
Хрватскиот шампион имаше позитивни 1:1 од гостувањето во Швајцарија, и кога Изет Хајровиќ во седмата минута донесе водство од 1:0, „модрите“ со една нога беа во ЛШ. Меѓутоа, по еден час игра, во 64. минута, на сцена стапи францускиот ветеран Гијом Оро, кој прво беше прецизен од пенал (заслужено досуден), а само две минути подоцна ја искористи конфузијата во одбраната на домашните за да го однесе клубот од Берн во ЛШ.
До крајот на мечот, Хајровиќ ја погоди гредата, меѓутоа на Динамо сега му требаа два гола за да оди понатаму, нешто што беше недостижно.
Покрај Аријан Адеми, и Бобан Николов ќе игра во Лига Европа, откако неговиот МОЛ Види не успеа на гостувањето кај АЕК Атина да ја надополни предноста од првиот меч, кој дома го загубија со 2:1. На „жешкото“ гостување беше 1:1. Во Киев немаше вакви возбуди, откако Ајакс отпатува со 3:1 предност против Динамо, и можеше да си дозволи досаден меч без голови.
ЛИГА НА ШАМПИОНИ, БАРАЖ, 2.НАТПРЕВАР
АЕК Атина (Грц) – МОЛ Види (Унг) 1:1, прв натпревар 2:1, вкупно 3:2
Динамо Загреб (Хрв) – Јанг Бојс (Шва) 1:2, прв натпревар 1:1, вкупно 2:3
Динамо Киев (Укр) – Ајакс (Хол) 0:0, прв натпревар 1:3, вкупно 1:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.
Спорт
Меси: Ќе се пензионирам кога ќе престанам да уживам во играта
Лионел Меси пред шест месеци ја започна својата авантура во Америка. Аргентинецот откри дека во моментов не размислува за пензија.
Меси одлично ја започна сезоната во МЛС лигата, во првите три натпревари постигна три гола и забележа една асистенција. Сегашната форма покажува дека Меси се уште не е за пензија и дека му претстојат уште неколку години добар фудбал, што и самиот го потврди.
„Мојата возраст нема да биде важна за одлуката да се пензионирам. Ако продолжам да се чувствувам добро на теренот, ќе продолжам да играм“, изјави Меси.
Во Интер од Мајами, Меси е опкружен со пријатели, соиграчи со кои ја делеше соблекувалната во Барселона. Дел од Интер Мајами се и Серхио Бускетс, Луис Суарез и Џорди Алба. Аргентинецот нема да се пензионира се додека неговиот тим имма корист од него.
„Ќе престанам да играм фудбал во моментот кога веќе нема да можам да играм на ова ниво, кога нема да уживам во играта или кога нема да можам да им помогнам на соиграчите на теренот“, изјави аргентинскиот фудбалер.
Покрај за Интер Мајами, Меси во својата кариера настапуваше и за Барселона и ПСЖ.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.