Спорт
ЛШ: Шкендија во финишот потклекна под Салцбург, грчките тимови во бараж (видео)
Шкендија ги заврши натпреварувањата во Лигата на шампионите оваа сезона, откако на реваншот против Салцбург прими гол во финишот на натпреварот за 0:1 пораз на „Филип Втори“ во Скопје.
Македонскиот шампион имаше висока негатива од 3:0 по гостувањето во…
Шкендија ги заврши натпреварувањата во Лигата на шампионите оваа сезона, откако на реваншот против Салцбург прими гол во финишот на натпреварот за 0:1 пораз на „Филип Втори“ во Скопје.
Македонскиот шампион имаше висока негатива од 3:0 по гостувањето во Австрија, така што беше нереално да се очекува дека ќе може да направи нешто повеќе против шампионот на оваа земја. Стрелец на единствениот гол беше Јапонецот Такуми Минамино во 92. минута од мечот по несфатливата грешка на фудбалерите на Шкендија.
Европските натпревари не завршуваат за Шкендија, бидејќи тие сега ќе имаат шанса да влезат во Лига Европа, ако го минат следниот противник во баражот. Розенборг го доби првиот меч со ирскиот Корк сити со 2:0 и е блиску до оваа пресметка.
Два грчки тима пак, влегоа во баражот за пласман по групи. ПАОК одигра 0:0 на гостувањето кај Спартак Москва (прв натпревар 2:3), додека АЕК Атина со 2:1 го елиминираше Селтик откако во првиот натпревар одиграа 1:1.
АЕК во баражот го доби можеби најпосакуваниот противник, унгарскиот МОЛ Види кој со подобра гол-разлика го елиминираше Малме, додека ПАОК оди на силната Бенфика, која издржа за 1:1 на гостувањето кај Фенербахче, за кои 90 минути одигра македонскиот репрезентативец Елиф Елмас.
Динамо Загреб лесно со 1:0 ја победи казахстанската Астана, за вкупни 3:0 и сега игра со швајцарскиот Јанг Бојс за место во ЛШ.
ЛИГА НА ШАМПИОНИ, 3.КВАЛИФИКАЦИСКО КОЛО, 2.НАТПРЕВАР
Спартак Москва (Рус) – ПАОК (Грц) 0:0, прв натпревар 2:3, вкупно 2:3
АЕК (Грц) – Селтик (Шко) 2:1, прв натпревар 1:1, вкупно 3:2
Динамо Загреб (Хрв) – Астана (Каз) 1:0, прв натпревар 2:0, вкупно 3:0
Фенербахче (Тур) – Бенфика (Пор) 1:1, прв натпревар 0:1, вкупно 1:2
МОЛ Види (Унг) – Малме (Шве) 0:0, прв натпревар 1:1, вкупно 1:1, МОЛ Види оди понатаму
Шкендија (Мкд) – Салцбург (Авт) 0:0, прв натпревар 0:3, вкупно 0:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.