Спорт
Магичниот Вардар го „прегази“ Мешков за ново СЕХА финале
Вардар ќе ја брани титулата од регионалната СЕХА лига, откако во првото полуфинале со доминантни 33:24 го совлада белорускиот Брест Мешков во Скопје, во меч во кој доминираа од почетокот до крајот не давајќи му шанса на противникот да направи изненадув…
Вардар ќе ја брани титулата од регионалната СЕХА лига, откако во првото полуфинале со доминантни 33:24 го совлада белорускиот Брест Мешков во Скопје, во меч во кој доминираа од почетокот до крајот не давајќи му шанса на противникот да направи изненадување.
Противник на Вардар во финалето ќе му биде или ППД Загреб или Целје, кои својот дуел го играат од 20.45 часот.
„Црвено-црните“ имаа почеток каков што посакуваа, откако преку Шишкарев и Дибиров во нападот и со секогаш одличниот Арпад Штербик на голот поведоа со 7:3. Разликата се зголемуваше како што течеше првото полувреме за да дојде до +6 (12:6), пред гостите да направат низа од четири гола и да се доближат на 12:10. До крајот на полувремето, предводени од петте гола на Циндриќ и седумте одбрани на Штербик, Вардар имаше +3 (17:14).
Почетокот на второто полувреме беше уште пофуриозен – со одличните голови на Чупиќ и Борозан, вардарци од 17:14 зголемија на 22:14, „уривајќи“ го системот на тренерот на Брест, Бебешко. Разликата Вардар ја одржуваше во текот на полувремето, доаѓајќи на 30:20 на девет минути пред крајот, кога стана јасно дека нема ништо од кам-бек на Белорусите.
Лука Циндриќ беше најрасположен за давање голови, завршувајќи го мечот со шест гола, Вуко Борозан уфрли пет, додека по четири имаа Шишкарев, Чупиќ и Карачиќ, а секако еден од клучните луѓе за победа беше неверојатниот Штербик, кој имаше дури 20 одбрани. Кај Мешков, Максим Баранау беше убедливо најефикасниот со 9 гола, од кои четири од пенал.
Фото: СЕХА лига
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.