Спорт
Мадридското дерби по вкусот на Барселона (Видео)
Реал и Атлетико ремизираа 1:1 во Мадрилењо дербито што се одигра во рамките на 31.коло во Ла Лига. Двата гола беа постигнати во второто полувреме, а стрелци беа најдобрите во своите тимови Кристијано Роналдо и Антоан Гризман.
Зинедин Зидан комбинираше …
Реал и Атлетико ремизираа 1:1 во Мадрилењо дербито што се одигра во рамките на 31.коло во Ла Лига. Двата гола беа постигнати во второто полувреме, а стрелци беа најдобрите во своите тимови Кристијано Роналдо и Антоан Гризман.
Зинедин Зидан комбинираше со составот на својата екипа, но и без Иско, Модриќ, Каземиро и Бензема во стартниот тим Реал трга офанзивно и го притисна својот ривал уште од самиот почеток.
Реал во првите 15 минути изведе неколку корнери, но Атлетико добро се бранеше. Бејл се обиде на почетокот, потоа пробаа Ковачиќ и Роналдо, а повторно Бејл. Обидот на Роналдо го одбрани Облак, а на спротивната страна Кејлор Навас спречи гол по ударот на Диего Коста.
Второто полувреме Реал го отвори со гол на Кристијано Роналдо, негов 23.во Ла Лига. Бејл му избега на левата страна на Хуанфран, испрати идеален центаршут, а Португалецот со волеј ја смести зад грбот на Облак.
Атлетико израмни само четири минути подоцна. Витоло тргна во соло акција ја остави топката зад себе на која налета Гризман и беа мака ја смести во голот.
Само две минути подоцна Кејлор Навас спречи целосен пресврт. Костариканецот на неверојатне начин го одбрани ударот на Коке од 12 метри.
По 60.минута темпото на играта целосна падна, јасно беше дека двата тима се задоволни со нерешениот резултат. Атлетико имаше една шанса, која не успеа да ја реализира Кореа, додека Облак во 91.минута го одбрани слободниот удар на Серхио Рамос.
Атлетико остана втор на табелата со 68 бода, четири повеќе од Реал и 11 помалку од лидерот Барселона.
фото: EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.