Спорт
„Маринели снајперс“ му врачи отказ на Фенати
Тимот на „Маринели Снајперс“, објави дека му врачила отказ на Роман Фенати, поради неговиот потег на трката за Големата награда на Сан Марино во Мото2 класата.
На Фенати му беше покажано црно знаме на патеката „Марко Симончели“, поради неодговорно возе…
Тимот на „Маринели снајперс“ објави дека му врачила отказ на Роман Фенати поради неговиот потег на трката за Големата награда на Сан Марино во Мото 2-класата.
На Фенати му беше покажано црно знаме на патеката „Марко Симончели“ поради неодговорно возење бидејќи на излезот од шестиот свиок се обиде да ја стегне кочницата на моторот на Стефан Манци.
Тие двајца во претходните кругови водеа голема борба, а во еден момент Манци го иструга Фанети од патеката. Поради тој потег, Манци доби казна. Тој наредната трка ќе ја почне шест места поназад од позицијата што ќе ја освои во квалификациите.
Од друга страна, за опасниот потег што се обиде да го направи Фенати е суспендиран на две трки, иако голем број актуелни и поранешни возачи веднаш побараа да биде доживотно дисквалификуван од мото/спортот.
„Ова не може да биде простено. Бидејќи и Манци е казнет, тое е само доказ дека за неговата постапка не постои оправдување. Тимот се дистанцира од потегот што го направи возачот и сака воедно да упати извинување до спортскиот свет. Лоша слика им е испратена и на нашите спонзори“, стои во клупското соопштение.
„Маринели снајперс“ исто така упати благодарност и до „Форвард“, чии бои ги брани Манци.
Интересно, Фенати за наредната година има договор токму со тимот „Форвард“, но веројатноста е дека до соработката воопшто нема да дојде бидејќи „МВ Аугуста“, партнерот на италијанскиот тим, најави дека не го сакаат овој возач во тимот.
Мото 2 лудило – Фенати се обиде да му ја грабне сопирачката на Манци! (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.