Спорт
Маркез ја доби пресметката во последниот круг со Довициозо! (видео)
Слично како во Формула 1, и во Мото ГП шампионатот еден возач не престанува со победите и оди кон нова светска титула.
Марк Маркез на Хонда стигна до триумф на првото Тајландско ГП, поминувајќи го главниот ривал Андреа Довициозо во Дукати во последниот…
Слично како во Формула 1, и во Мото ГП шампионатот еден возач не престанува со победите и оди кон нова светска титула.
Марк Маркез на Хонда стигна до триумф на првото Тајландско ГП, поминувајќи го главниот ривал Андреа Довициозо во Дукати во последниот круг за да направи голем чекор кон титулата. Во обратна ситуација од Австриското ГП од минатата година, Довициозо се обиде да го помине Маркез на последната кривина на последниот круг, откако возачот на Хонда го помина на петтата кривина на патеката Бурирам.
Но, овојпат возачот на Дукати немаше доволно брзина на излезот на кривината и Маркез влезе внатрешно за да стигне на целта со минимални 0.115 секунди пред Италијанецот за седма победа оваа сезона, со која има 79 поени предност со само 100 поени за освојување во последните четири трки од сезоната.
Маркез водеше во првите четири кругови од трката откако стартуваше од пол-позицијата, но Валентино Роси во Јамаха успеа да го помине во петтиот круг. Италијанскиот ветеран беше убедлив во водството, пред да направи грешка во 11. круг и да падне на третото место. Довициозо беше напред, и тој и Маркез почнаа да „бегаат“ од другите возачи, иако вистинската битка меѓу нив почна на пет круга пред крајот.
Колегата на Роси, Маверик Вињалес го освои последното место на подиумот, прво за него од Германското ГП во јули, додека Роси беше четврт. Жоан Зарко беше петти пред Алекс Ринс (Сузуки) и Кал Крачлоу (ЛЦР Хонда).
Here are the results from the first ever #MotoGP race in Thailand ?
? @marcmarquez93
? @AndreaDovizioso
? @maverickmack25 #ThaiGP ?? pic.twitter.com/CeaFFNHU9R— MotoGP™??? (@MotoGP) October 7, 2018
#MotoGP RACE ?
WHAT A RACE! @marcmarquez93 holds off a last ditch lunge from @AndreaDovizioso to take the win! ?@maverickmack25 gets back on the box in third! ?#ThaiGP ?? pic.twitter.com/o8yXykwZEU
— MotoGP™??? (@MotoGP) October 7, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.