Спорт
Марк Маркез ја одбрани титулата во Мото ГП
Марк Маркез, возачот на Репсол Хонда, победи на трката за Големата награда на Јапонија и ја освои седмата шампионската титула во кариерата, петта во Мото ГП. Маркез според бројот на титулите во „кралската класа“ се израмни со Мајк Дуан, а повеќе титули…
Марк Маркез, возачот на Репсол Хонда, победи на трката за Големата награда на Јапонија и ја освои седмата шампионската титула во кариерата, петта во Мото ГП. Маркез според бројот на титулите во „кралската класа“ се израмни со Мајк Дуан, а повеќе титули од него сега имаат само Валентино Роси, седум и Џакомо Агостини, осум.
Шпанецот со деветтата победа во сезоната, на три трки до крајот на првенството има 102 бода повеќе од најблискиот конкурент.
¡CAMPEÓN DEL MUNDO??✊#Level7?!#MM93, 25 años y 251 días, ¡el más joven en lograr 7 títulos (5 en #MotoGP)! ¡Enhorabuena Marc?!
WORLD CHAMPION??✊#Level7?!#MM93, 25 years and 251 days old, youngest ever 7-title winner (5 in #MotoGP)! Congratulations Marc?!#JapaneseGP pic.twitter.com/5h4N2yUNUJ
— Box_Repsol (@box_repsol) October 21, 2018
Шпанецот трката во Јапонија ја започна од шестата позиција, а на чело на колоната стигна на три круга до крајот кога го престигна конкурентот од Дукати, Андреа Довициозо, кој стартуваше од пол-позицијата, кој на излетаод патеката во претпоследниот круг.
Dovizioso falls! Marquez is Champion! ?
The moment the 2018 title was won!#MotoGP | #JapaneseGP ? https://t.co/tw4D4tRcjx pic.twitter.com/5vlZDN3IoG
— MotoGP™??? (@MotoGP) October 21, 2018
Покрај Маркез место на подиумот обезбедија Кал Крачлоу на ЛЦР Хонда и Алекс Ринс на Сузуки.
Најдобрите тројца ги следеа Валентино Роси (Јамаха), Алваро Баутиста (Алваро Нието тим), Жоан Зарко (Јамаха Тех 3), Маверик Вињалес (Јамаха), Дани Педроса (Репсол Хонда).
Сезоната во Мото ГП шампионатот продолжува наредната недела на патеката „Филип Ајланд“, кога ќе се вози Големата награда на Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.