Спорт
Медведев и Сабаленка со титули пред Флешинг Медоуз
Русинот Данил Медведев го совлада Американецот Стив Џонсон со 6:4/6:4 во финалето на Винстон-Сејлем опен за да ја освои својата втора титула во кариерата пред стартот на САД опен во совршена недела.
22-годишниот Медведев ги освои сите 12 сета во Северн…
Русинот Данил Медведев го совлада Американецот Стив Џонсон со 6:4/6:4 во финалето на Винстон-Сејлем опен за да ја освои својата втора титула во кариерата пред стартот на САД опен во совршена недела.
22-годишниот Медведев ги освои сите 12 сета во Северна Каролина и не загуби брејк во полуфиналето и финалето на турнирот, по што изјави дека едвај го издржал првиот меч на турнирот поради жештината.
„Беше толку топло, толку влажно и не ми се веруваше дека ќе можам да направам нешто. Од почетокот си мислев дека ова не е мојот турнир. Навистина лудо“, изјави Медведев.
На Конектикат опен пак, младата Белорусинка Арина Сабаленка ја освои својата прва ВТА титула, откако со 6:1/6:4 ја совлада Шпанката Карла Суарез Наваро во финалето. 20-годишната Сабаленка ќе скокне на 20. место на ВТА-листата откако стана најмладата шампионка во Њу Хејвен по Каролине Вознијацки во 2010 година.
„Чувството е фантастично да се држи првиот трофеј во рацете. Сега ќе работам уште повеќе и се надевам дека ќе покажам уште подобар тенис“, изјави Сабаленка.
За Белорусинката ова беше трето финале во кариерата, откако лани загуби од Марија Шарапова во Тијанџин, а оваа година во финалето во Истбурн беше поразена токму од Вознијацки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.