Спорт
Мекларен го потврдија Карлос Саинс Јуниор за 2019
Тимот на Мекларен потври дека еден Шпанец ќе замени со друг, откако Карлос Саинс Јуниор доби „повеќегодишен“ договор за да го замени Фернандо Алонсо, кој објави дека се повлекува од Формула 1 на крајот на сезоната.
Објавата не е изнзенадување, но во ис…
Тимот на Мекларен потври дека еден Шпанец ќе замени со друг, откако Карлос Саинс Јуниор доби „повеќегодишен“ договор за да го замени Фернандо Алонсо, кој објави дека се повлекува од Формула 1 на крајот на сезоната.
Објавата не е изнзенадување, но во исто време значи дека Пјер Гасли речиси сигурно ќе биде промовиран од Торо росо во Ред бул, од каде што заминува Даниел Рикардо (во Рено, на местото на Саинс).
„Екстремно сум среќен и горд што можам да објавам дека ќе се приклучам на семејството на Мекларен следната година. Вистинско остварување на сонот е да се вози за таков легендарен тим“, вели Саинс.
Extremely happy and proud to announce that I will be joining the @McLarenF1 family next year. Dream come true to drive for such a legendary team! pic.twitter.com/7pjSTNt6UG
— Carlos Sainz (@Carlossainz55) August 16, 2018
23-годишниот Саинс, инаку син на рели-легендата со исто име, е „производ“ на академијата на Ред бул и првата шанса ја доби со тимот на Торо росо во 2015 година, пред за оваа година да биде „позајмен“ во тимот на Рено. Тој никогаш не криел дека Алонсо е неговиот идол во Ф1.
„Возбудени сме што Карлос доаѓа во Мекларен, бидејќи ја следиме неговата кариера долго време и го цениме како еден од најталентираните млади возачи во Ф1. Тој има совршена комбинација на младост и искуство – со нас ќе ја стартува петтата сезона во спортот, а веќе работеше и со нашиот партнер Рено“, изјави директорот на Мекларен, Зек Браун.
Carlos Sainz to race for McLaren from 2019. ⬇️ https://t.co/iVMphvWiay
— McLaren (@McLarenF1) August 16, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.
Спорт
Клоп: Многу ми е жал, се извинувам
Ливерпул, со поразот од Евертон, претрпе голем удар за шампионските амбиции. Во градското дерби Евертон на „Гудисон Парк“, по пауза од 14 години ги победи црвените: Од 2010 година ова е втора победа на „карамелите“ над Ливерпул.
Шампионскуте сништа на Ливерпул се чини ги згаснаа Брејтвајт и Калверт-Лувин, кои беа стрелци во победата 2:0.
Ливерпул сега заостанува три бода зад Арсенал на врвот на табелата, а третопласираниот Манчестер Сити има четири бода помалку од Арсенал, но и два натпревари помалку. До крајот на првенството остануваат само уште четири кола.
Јирген Клоп, последната сезона во Ливерпул сакаше да ја заврши со шампионска титула, но сега е извесно дека ќе мора да се задоволи само со еден и најмалку важен трофеј, Лига купот.
Свесен дека трката за титулата во Англија е практично изгубена, по поразот во дербито на Мерсисајд, тој рече: „Ова не беше доволно добро… Навистина сочувствувам со фановите и многу ми е жал. Се извинувам“.
Спорт
(Видео) Мајами победи во Бостон, Оклахома го згази Њу Орлеанс
Мајами го изедначи резултатот против Бостон на 1:1, а Оклахома победе со 2:0 во серијата против Њу Орлеанс.
Мајами и без Џими Батлер победи во Бостон со 111:101. Мајами против најдобриот тим во регуларниот дел од сезоната постигна 23 тројки, што е рекорд на франшизата во плеј-офот.
Тајлер Хиро погоди шест тројки, а Кејлеб Мартин пет, тие беа и најефикасни во редовите на франшизата од Флорида.
Хиро постигна 24 поени со 14 асистенции и пет скока, додека Мартин додаде 21 поен, колку што имаше и Бем Адебајо, кој додаде и десет скока со две асистенции. Српскиот репрезентативец Никола Јовиќ забележа 11 поени (тројки 3/4), девет скока и шест асистенции.
На другата страна Џејлен Браун постигна 33 поени со осум скока и асистенции, додека Џејсон Тејтум имаше учинок од 28 поени со осум скока и три асистенции.
Оклахома максимално ја искористи предноста на домашниот терен во пресметката со Њу Орлеанс.Тандери го декласираа противникот со 124:92.
Шаи Гилџис-Александер, кандидат за МВП признанието, повторно беше првата виолина на Тандер.
Тој постигна 33 поени со три скока и пет асистенции и две украдени топки. Расположен беше и Чет Холмгрен кој постигна 26 поени со седум скока и асистенција, додека Џејлен Вилијамс додаде 21 поен.
На другата страна, Јонас Валанчиунас постигна 19 поени, Брендон Играм и Херберт Џонс додадоа по 18, додека Си Џеј МекКолум постигна 15 поени.