Спорт
Мексиканците го „изгореа“ шампионскиот „маншафт“ (видео)
Мексико го направи првото вистинско изненадување на Мундијалот во Русија, шокирајќи го актуелниот шампион и еден од фаворитите за титулата, Германија со сосема заслужена 1:0 победа на првиот натпревар од групата Ф.
На преполниот „Лужники“ во Москва, фа…
Мексико го направи првото вистинско изненадување на Мундијалот во Русија, шокирајќи го актуелниот шампион и еден од фаворитите за титулата, Германија со сосема заслужена 1:0 победа на првиот натпревар од групата Ф.
На преполниот „Лужники“ во Москва, фановите имаа шанса да видат навистина атрактивен меч, посебно во првото „атомско“ полувреме во кое „Ел три“ одеше рамноправно со фаворизираните Германци, успевајќи да го урнат митот на непобедливоста на „маншафтот“ на Јоаким Лев.
Мексиканците влегоа во мечот фуриозно и веќе во првата минута од мечот, Лозано беше во добра шанса за гол пред Нојер да ја „собере“ топката. Германците одговорија со шанси преку Вернер и Хумелс, кои од далечина се обидоа да го совладаат Очоа.
Мексико повторно е во шанса во 18. минута, кога Лозано и Чичарито прават одличен контра-напад, пред Чичарито да се „збуни“ во шестнаесетникот. Шансите се „редеа“ како на филмска лента, и младиот Вернер повторно шутираше во 20. минута, а веднаш потоа и Крос се обидува од далечина.
Голот „висеше“ сѐ до 35. минута, кога во напад влегуваат Чичарито и Лозано, кој успеа да го помине Кимих и да го совлада Нојер за лудило на мексиканските навивачи и загрижено лице на германскиот селектор Јоаким Лев.
¡GOL DE #MEXICO! ¡GOL DE CHUCKY! Another perfectly executed counterattack, and this time Lozano finishes it off brilliantly for the 1-0 lead against #Germany!!! Fully deserved lead. #GERMEX #VamosMexico #ElTri #MEX pic.twitter.com/lBOC9VkjhW
— Jason Foster (@JogaBonito_USA) June 17, 2018
Асот на Реал Мадрид, Тони Крос, кој ја загуби топката по која „Ел три“ стигнаа до голот, во 39. минута за малку ќе вратеше за тој пропуст со одличниот удар кој го погодува дирекот на голот.
Мексико со иста силина го почнаа и второто полувреме, и Чичарито се најде во добра позиција во 57. минута од мечот, но Кимих лесно ја отстранува опасноста. Германската „машина“ го искористи падот на формата на Мексиканците за да ја преземат иницијативата во текот на второто полувреме, меѓутоа тоа не донесе многу вистински шанси за гол.
Марко Ројс во 71. минута од страна шутира над голот, а во 76. минута уште поубава шанса имаше Крос со удар од далечина. Во финишот на натпреварот, Лев го засили нападот со ветеранот Гомез, кој во 89. минута се обиде да постигне гол со пета, а уште една замена Јулијан Бранд од далеку ја погоди надворешната страна на дирекот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.