Спорт
Мизерија на „Театарот на соништата“ – Тотенхем го казни Јунајтед (видео)
Наместо да се вратат по кризата која ја доживеаја по поразот од Брајтон, Манчестер јунајтед се посрамотија пред домашните навивачи на „Олд Трафорд“ и дозволија Тотенхем да стигне до првата победа на гостувањето кај „ѓаволите“ од јануари 2014 година и т…
Наместо да се вратат по кризата која ја доживеаја по поразот од Брајтон, Манчестер јунајтед се посрамотија пред домашните навивачи на „Олд Трафорд“ и дозволија Тотенхем да стигне до првата победа на гостувањето кај „ѓаволите“ од јануари 2014 година и тоа со високи 3:0!
По ваков пораз, останува да се види дали постои излез од кризата во која се најде Јунајтед и нормално, менаџерот Жозе Мурињо, кој цело лето се „жалеше“ на недостатокот на засилувања, а влезе во конфликт и со Пол Погба и со извршниот директор на клубот, Ед Вудворд.
А сѐ можеше да биде поинаку, ако во 15. минута, Ромелу Лукаку ја казнеше невнимателноста на одбраната на Тотенхем, кога пред себе го имаше празниот гол на Иго Љорис, но Белгиецот некако успеа да го утне обидот.
Manchester United – Tottenham Hotspur
Romelu Lukaku misses empty net#MUFC #MUNTOT #COYS pic.twitter.com/1GkbuCI3pb— Hakan Yılmaz Ayan (@MaJestiGa) August 27, 2018
По ова следуваше казната во второто полувреме, кога за две минути играта на Јунајтед се сруши како „кула од карти“. Хери Кејн ја натскока одбраната на Јунајтед по корнерот на Трипиер за да донесе водство за Тотенхем во 50. минута, а само две минути подоцна Лукас Моура ја казни непостоечката одбрана на домашните за молк на „Олд Трафорд“.
Конечната казна дојде во 85. минута, кога Лукас повторно успеа да си „протрча“ низ одбраната на Јунајтед и лесно да го совлада Давид де Хеа.
Како и да е, ова ќе биде интересна недела за да се чујат коментарите и реакцијата на овој пораз и дали Мурињо може да го „преживее“ ова, или Зинедин Зидан е подготвен да долета во Манчестер.
Со овој пораз, Јунајтед првпат од 1992/93 имаат два порази во првите три лигашки натпревари во Премиер лигата. За Мурињо пак, ова е најголемиот домашен пораз во сите клубови на чие чело бил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.