Спорт
Милан го најдоа „човекот“ – Гатузо останува до 2021 година
Милан официјално потврдија дека Џенаро Гатузо потпишал нов договор, со што ќе остане на чело на „росонерите“ барем до 2021 година.
Поранешниот фудбалер на клубот го замени Винченцо Монтела на „жешката“ клупа и направи мал пресврт во формата на клубот. …
Милан официјално потврдија дека Џенаро Гатузо потпишал нов договор, со што ќе остане на чело на „росонерите“ барем до 2021 година.
Поранешниот фудбалер на клубот го замени Винченцо Монтела на „жешката“ клупа и направи мал пресврт во формата на клубот. Попладнево клубот потврди дека Рино потпишал договор со клубот за да остане како постојан лидер на тимот.
OFFICIAL: Gennaro Gattuso signed a contract extention at AC Milan until june, 2021!✅ #Gattuso2021 pic.twitter.com/rbad29DcJs
— ACMilanSwiss (@AcMilanSwiss) April 5, 2018
„Пристигна моментот во кој можеме да потврдиме дека Рино Гатузо останува наш тренер во следнтие три години. Ова беше една од најлесните одлуки кои ги направивме, откако во последните месеци тој заврши фантастична работа. Со Рино одиме на долгорочен проект во Милан. Моја е вината што толку долго се чекаше за потврда, бидејќи јас постојано патував некаде“, изјави генералниот директор на клубот, Марко Фасоне.
Се верува дека Гатузо ќе добие околу 2 милиони евра по сезона.
„Благодарен сум на можноста да покажам што умеам. Без Марко Фасоне и спортскиот директор Масимилијано Мирабели немаше да бидам тука, на клупата на славен тим како Милан. Се надевам дека наскоро ќе го вратиме Милан на високото место кое го заслужува“, изјави Гатузо.
#Gattuso2021: done. ✔️ pic.twitter.com/8yTEuiGNeo
— Simone Nobilini (@SimoNobilini) April 5, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Але го пропушта натпреварот со Пари Сен Жермен
Напаѓачот на Борусија Дортмунд, Себастијан Але, речиси сигурно ќе го пропушти полуфиналето од Лигата на шампионите против Пари Сен Жермен следната недела, пренесува „Лекип“.
Репрезентатиецот на Брегот на Слоновата коска, го повреди скочниот зглоб на гостувањето кај Борусија Менхенгладбах (2:1), Але ќе мора да паузира најмалку две недели.
Ова е лоша вест за напаѓачот кој неодамна се опорави од рак на тестисите и штотуку почнува да се враќа во добра форма.
Зимава настапуваше за репрезентацијата на Брегот на Слоновата Коска со која го освои Африканскиот куп на нации.
Але одигра 40 натпревари за Дортмунд, постигна 12 гола и забележа шест асистенции.
Борусија се пласираше во полуфиналето на Лигата на шампионите за прв пат по 2013 година, кога го елиминираше Реал Мадрид, а потоа загуби од Баерн Минхен во финалето на „Вембли“.
Спорт
Де Хеа во Бетис?
Давид Де Хеа, минатото лето, како слободен играч го напушти Манчестер јунајтед. Имаше понуди, најмногу од Саудиска Арабија, но тој реши да ја чека вистинската, поради што ја пропушти оваа сезона.
Де Хеа на почетокот на сезоната доби понуда и од Реал Мадрид, кој остана без првиот голман Тибо Куртоа, но одби да се пресели на „Сантијаго Бернабеу“. Не откри дали го одбил „кралскиот клуб“ поради финансиската понуда или поради тоа што тој е „дете“ на Атлетико Мадрид.
Шпанските медиуми тврдат дека Де Хеа од наредната сезона се враќа меѓу стативите. Според овие извори тој ќе брани за Бетис. Ќе потпише договор со клубот од Севилја кога ќе започне преодниот рок.
Бетис моментално се седми на табелата во Примера.
Спорт
Баерн преговара и со селекторот на Австрија
Фудбалскиот клуб Баерн веќе два месеци го бара наследникот на Томас Тухел, а сега почнале преговори со Ралф Рангник, пренесува германскиот новинар на „Скај Спорт“, Флоријан Плетенберг.
Баварците се во потрага по нов шеф на стручниот штаб кој би го тимот од Тухел по завршувањето на сезоната. Затоа почнале преговори со Рагник, кој е селектор на Австрија со која ќе настапи на ЕУРО 2024. Новинарот потенцира дека многу работи би треабло да се поклопат за Рангник да дојде во Минхен.
Плетенберг пренесува дека е воспоставен контакт со Рагник откако станало јасно дека преговорите за враќање на Јулијан Нагелсман пропаднале кога тој потпиша нов договор со Германскиот фудбалски сојуз, а Баерн сака што поскоро да го претстави новиот тренер.
Договорот на Рагник со Австрискиот фудбалски сојуз е до Светското првенство во фудбал во 2026 година, но може да биде раскинат со соодветна отштета. Доколку челниците на Баерн успеат да се договорат со 65-годишниот стручњак, парите не би требало да бидат проблем.
Дополнително, Де Зерби и Зинедин Зидан се уште се кандидати за клупата на Баерн.