Спорт
Милан не направи чудо, „Армејците“ херојски во Франција (видео)
Милан не успеа да направи чудо на „Емирати“ и да го елиминира Арсенал од Лигата на Европа, откако и во вториот меч со англискиот клуб загуби, овојпат со 3:1 во дуел одбележан со обвинувања за глумење на Дени Велбек.
Росонерите имаа добар старт на госту…
Милан не успеа да направи чудо на „Емирати“ и да го елиминира Арсенал од Лигата на Европа, откако и во вториот меч со англискиот клуб загуби, овојпат со 3:1 во дуел одбележан со обвинувања за глумење на Дени Велбек.
Росонерите имаа добар старт на гостувањето и во 35. минута од мечот дојдоа до водство преку одличниот гол на Хакан Чалханоглу, меѓутоа само четири минути подоцна, Дени Велбек „изнуди“ сомнителен пенал, кој го реализираше и покрај протестите на играчите на Милан.
Welbeck doing his best Dele Alli impression.. pic.twitter.com/Kc0LHEJJ20
— Mike Sanz (@mikesanz19) March 15, 2018
Ова го „сврте“ мечот, и Арсенал во второто полувреме, успеаја да дојдат до водство преку Гранит Џака во 71. минута, за Велбек со уште еден гол во 86. минута да ја запечати 3:1 победата за пласман меѓу најдобрите осум во ЛЕ.
Вистинска сензација направија фудбалерите на ЦСКА Москва, кои успеаја да стигнат до 3:2 победа на гостувањето кај Лион, така поништувајќи ја предноста која францускиот тим ја имаше по 1:0 победата во Русија.
Александер Головин донесе водство за ЦСКА во 39. минута, пред во 58. минута, Лион да израмни преку Максвел Корне. Нигериецот Ахмед Муса и Швеѓанецот Понтус Вернблом потоа ги шокираа домаќините со два гола во само пет минути за да ја обезбедат победата за Русите. Лион успеа да врати еден гол во 71. минута преку Диаз, но на крајот славеа „армејците“.
Борусија Дортмунд исто така е елиминирана, откако на гостувањето кај Салцбург не успеаја да постигнат гол и да ја поништат предноста која домаќините ја направија со 2:1 победата на „Сигнал Идуна парк“. Со ова се комплетира лошата европска сезона за Дортмунд.
Фото: ЕПА
ЛИГА НА ЕВРОПА, 1/8 ФИНАЛЕ, 2. НАТПРЕВАР
АРСЕНАЛ – Милан 3:1
Прв натпревар 2:0, вкупен резултат 5:1
Лион – ЦСКА МОСКВА 2:3
Прв натпревар 1:0, вкупен резултат 3:3 – ЦСКА оди понатаму поради повеќе постигнати голови на гости
САЛЦБУРГ – Борусија Дортмунд 0:0
Прв натпревар 2:1, вкупен резултат 2:1
ЛИГА НА ЕВРОПА, ЧЕТВРТФИНАЛИСТИ
Атлетико Мадрид (Шпа)
Арсенал (Анг)
ЦСКА Москва (Рус)
Салцбург (Авт)
Марсеј (Фра)
Лацио (Ита)
Спортинг Лисабон (Пор)
РБ Лајпциг (Гер)
Лацио со голема победа во Украина, Спортинг без Ристовски преживуваше во Плзењ (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.