Спорт
Милион луѓе ги пречекаа шампионите во Париз (видео)
Ден по освојувањето на светската титула, фудбалерите на Франција слетаа на аеродромот „Шарл Де Гол“, во Париз. Први од авионот со победничкиот пехар излегоа капитенот Иго Љорис и селекторот Дидие Дешам.
foto: epa
Со панорамски автобус, фудбалерите се у…
Ден по освојувањето на светската титула, фудбалерите на Франција слетаа на аеродромот „Шарл де Гол“ во Париз. Први од авионот со победничкиот пехар излегоа капитенот Иго Љорис и селекторот Дидие Дешам.
Со панорамски автобус фудбалерите се упатија кон авенијата Шанзелизе, каде што беа пречекани од илјадници фанови.
Новите светски шампиони се пречекани од еден милион луѓе.
La foule sur les Champs-Élysées !! #lequipeCDM pic.twitter.com/IRVjQuEgJx
— la chaine L’ÉQUIPE (@lachainelequipe) July 16, 2018
Репрезентативците потоа ќе бидат примени од претседателот Емануел Макрон и неговата сопруга Брижит.
Францускиот претседател секој играч ќе го одликува со „Легијата на честа“. Интересно, селекторот Дешам веќе го има добиено ова одликување во 1998 година кога беше капитен на репрезентацијата.
Les Champs-Élysées s’embrasent complètement au passage du bus ! #lequipeCDM pic.twitter.com/N0rPOv8i7J
— la chaine L’ÉQUIPE (@lachainelequipe) July 16, 2018
Потоа за нив ќе биде организиран свечен прием во Елисејската палата. На приемот се поканети околу 3.000 гости, меѓу кои и многу млади фудбалери од фудбалските школи, кои создаваат светски шампиони, каков што е клубот „Бонди“, каде што започнал да тренира Килијан Мбапе.
На приемот гостите ќе ги анимира артистот Сејк, голем навивач на француската репрезентација, кој ќе настапи бесплатно.
Франција, вчера, ја освои втората светска титула во својата историја. Во финалето на 21. Светско првенство, Франција ја победи Хрватска со 4:2.
.@paulpogba et les Bleus à Paris. pic.twitter.com/SANzmm2DYv
— Equipe de France (@equipedefrance) July 16, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.