Спорт
Мина им ја „украде“ победата на Англичаните – продолженија во Москва (видео)
Англија ја делеа секунди до четврт-финале против Шведска, но Јери Мина со гол во 94. минута донесе израмнување за Колумбија за 1:1 и продолжение на стадионот на Спартак во Москва.
Колумбија стартуваше без својата прва ѕвезда Хамес Родригез, откако селе…
Англија ја делеа секунди до четврт-финале против Шведска, но Јери Мина со гол во 94. минута донесе израмнување за Колумбија за 1:1 и продолжение на стадионот на Спартак во Москва.
Колумбија стартуваше без својата прва ѕвезда Хамес Родригез, откако селекторот Пекерман реши дека тој не е доволно физички подготвен. Англичаните подобро го почнаа мечот, откако прво во шестата минута, Ешли Јанг имаше убав обид од слободен удар, но Оспина беше сигурен. Една минута подоцна Стерлинг добива топка во шестнаесетникот од Вокер, но колумбиската одбрана е сигурна.
Стерлинг повторно беше во добра шанса во 13. минута по грешката на Јери Мина, но Санчез ја расчистува топката. Колумбијците во тешка дефанзива од почетокот на натпреварот. Хери Кејн има голема шанса во 16. минута по додавањето од Трипиер.
Колумбија по 20-тина минути игра, конечно, тргнува напред, но англиската одбрана е сигурна. Сите напади одат од страната на Јанг. Стерлинг во 31. минута убаво го поминува Давинсон Санчез, но претера со соло-нападот. Фалкао во 33. минута го наоѓа Квинтера, кој очајно шутира.
Во 38. минута, судијата Гајгер можеше слободно да покаже пенал, откако во подготвување на живиот ѕид на Колумбија за слободниот удар, Бариос со глава го удира Хендерсон и за тоа добива само жолт картон.
Најдобрата шанса за Колумбија беше во финишот на полувремето, кога Квинтеро шутира од 16 метри, но директно во Пикфорд.
Mark Geiger awards a penalty to England for this altercation in the box. To me, it looks like Kane fouls Sanchez first but what do I know? Second pk that Sanchez has given up in this World Cup #COL #ENG #COLENG #WorldCup #WorldCupRussia2018 #FifaWorldCup2018 pic.twitter.com/z4egVZpWwL
— HotSpot Soccer (@HotSpotSoccer) July 3, 2018
Англичаните почнаа со напади и во второто полувреме, а во 54. минута доаѓа во водство со гол од пенал. Карлос Санчез влегува во боречки зафат со Хери Кејн и американскиот судија покажува пенал. Колумбијците протестираат и додека го прават тоа ја „уништуваат“ белата точка во еден не-фер потег.
Colombian player when England were awarded the penalty. #COLENG pic.twitter.com/url2Gzun1T
— FIFA World Cup (@WorIdCupUpdates) July 3, 2018
Кејн е сигурен од белата точка за свој шести гол на Мундијалот, и во исто време шести натпревар за националниот тим во кој постигнува гол, со што израмнува рекорд од 1939 година.
Нервозата кај Колумбијците расне и тие несфатливо влегуваат во конфликт за секоја топка – Фалкао и нововлезениот Бака добиваат жолти картони. Во 66. минута, Бариос го удри Али и ризикуваше втор жолт картон. Натпреварот беше на раб на инцидент, а ниту Англичаните не ја подобруваат атмосферата, откако Лингард го згазна Санчез и за тоа доби жолт картон.
Деле Али во 73. минута добива одлична топка, но пред да го најде Кејн во средината, Јери Мина успева да исфрли во корнер. Од корнерот, Мегвајр со глава удира преку голот.
Во 81. минута, Кајл Вокер прави грешка во средината на теренот, и Колумбија има совршена шанса да погоди, но Квадрадо шутира високо над голот. „Лос кафетерос“ тргнуваат во офанзива, но ударот на Фалкао во 87. минута е лесен плен за Пикфорд.
Кога изгледаше дека е готово и дека Англија веќе размислува на патот до финалето, Јери Мина го постигнува третиот гол на СП по еден корнер за Јужноамериканците, во моменти кога дури и голманот Оспина беше во шестнасетникот на Англија. Неверојатна завршница на еден потпросечен меч.
Остануваат двапати по 15 минути и потоа (за жал на Англичаните), пенали!
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.