Спорт
Мо Салах: Детството го минал по автобуси, сега е еден од најдобрите во светот
Мохамед Салах во моментов е еден од најдобрите напаѓачи во светот и еден од оние што ставија свој печат на сезоната 2017/18. Во летниот преоден рок од Рома за сума од 40 милиони евра се пресели во Ливерпул. Неговиот учинок на 47..натпревари за „црвенит…
Мохамед Салах во моментов е еден од најдобрите напаѓачи во светот и еден од оние што ставија свој печат на сезоната 2017/18. Во летниот преоден рок од Рома за сума од 40 милиони евра се пресели во Ливерпул. Неговиот учинок на 47..натпревари за „црвените“ е застрашувачки, 43. гол.
Салах неодамна на навивачите на Ливерпул им ја раскажа својата животна приказна. Како дете морал да се одрекне од многу работи, патувал и по девет часа дневно со разни автобуси, само за да биде редовен на тренинзите.
„Почнав да тренирам во клуб кој беше половина час оддалечен од моето село во Басјун. Потоа потпишав за клуб од Танта. Патував по час и половина за да стигнам на тренинзите, а потоа се преселив во Каиро. Четири и пол часа возење во еден правец. Пет пати неделно имавме тренинзи“, раскажува Салах.
„Морав порано да заминувам од часовите за да можам да стигнам на тренинг: На часовите бев од 7 до 9 часот. Клубот побара дозвола од училиштето да можам пред време да си одам за да можам да стигнам на тренинзите кој започнуваа во 14 часот. Сама два часа во денот одев на училиште. Доколку не станев професионален фудбалер ќе ми беше многу тешко во животот“, рекол човекот кој во ноември минатата година го однесе Египет на Светското првенство во Русија.
„Пет дена неделно на тренинг, три-четири години живеев на тој начин. Од училиштето излегував во 9 часот ќе стигнев на тренинг кој започнуваше во 14 часот и траеше до 18 часот, а потоа назад. Дома ќе стигнев во 22 часот. Јади, спиј и наредниот ден се одново. И не беше само еден автобус, морав да сменам три-четири, некогаш и повеќе“.
Упорноста му се исплатеше, на како 16-годишник станува првотимец во Араб Контракторс, а четири години подoцна се сели во Европа, во Базел, а потоа во Челси, Фиорентина, Рома и Ливерпул.
„Бев млад, сакав да бидам фудбалер, големо име. Сакав да бидам некој посебен. Но не можем да кажам дека знеав што ќе се случи. Почнав од нула, немав ништо, без 14-годишно момче кое имаше сон. Не знаев што ќе се случи, но силно посакував да да станам професионален фудбалер“, рекол новиот идол на навивачите на еден од најпопуларните англиски клубови.
Иако за него секојдневно се зборува во фудбалскиот свет, тој и покрај огромната популарност никогаш не го заборавил родниот крај и пријателите.
Во Египет тој финансира изградба на училиште, а испраќа помош и во локалната болница.
Слаха води хуманитарна организација која додека трае светиот муслимаски месец Рамазан се грижи за прехрана на семејствата.
Исто така тој уплатил 210.000 фунти во државната каса, за да му помогне на Египет да го одржи крусот на националната валута, египеската фунта.
Напаѓачот на Ливерпул, кога со својот гол го однесе Египет на СП од државата како подарок доби луксузна вила, меѓутоа тој го одбил подарокот, се заблагодарил и рекол дека тие пари треба да им бидат донирани на сиромашните деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – шестмина првотимци повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.