Спорт
Мурињо решил да го продаде Погба
Новинарот Крис Вилер, во ексклузива за весникот „Дејли мејл“, пишува дека Пол Погба летово ќе го напушти Манчестер јунајтед. Според новинарот, менаџерот Жозе Мурињо повеќе немал трпение и немало да се противи доколку Погба замине од „Олд Трафорд“.
Виле…
Новинарот Крис Вилер во ексклузива за весникот „Дејли мејл“ пишува дека Пол Погба летово ќе го напушти Манчестер јунајтед. Според новинарот, менаџерот Жозе Мурињо повеќе немал трпение и немало да се противи доколку Погба замине од „Олд Трафорд“.
Вилер своите тврдења ги поткрепил со изјавите на Мурињо по шокантниот пораз на Манчестер јунајтед од ВБА (0:1) по кој градскиот ривал Манчестер сити на пет кола до крајот на првнството и теоретски ја обезбеди шампионската титула.
„Играчите што ќе играат јас ги избирам само според еден критериум, односно според тоа какви се на теренот. Не ме интересира колку некој е платен или колкава е неговата неделна плата или кој е најубав. Викендов играме против Тотенхем во полуфиналето во ФА-купот. Тоа значи дека тие што в среда ќе играат добро против Борнмут, ќе играат и против Тотенхем. Но, против ВБА имаше многу играчи кои не беа добри и за кои ќе нема да има место во тимот против Борнмут“, рекол Мурињо.
Пол Погба во неделата против ВБА на теренот беше 58. минута кога Мурињо го повлече од теренот.
Францускиот репрезентативец во Манчестер јунајтед пристигна во јули 2016 година од Јувентус за сума од 105 милиони евра.
Погба не импресионира никого во клубот во првата сезона, а тоа го прави и оваа поради што челниците сериозно размислувале да го продадат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.