Спорт
Мурињо: Јунајтед имаат иднина без мене, јас имам иднина без нив (видео)
Жозе Мурињо проговори по отказот кој го доби од Манчестер јунајтед, велејќи дека тој и клубот ќе „преживеат“ еден без друг.
Португалецот ги предводеше „ѓаволите“ до трофеј од Лига Европа и Лига купот во двете и пол сезони на чело на клубот, но не успеа…
Жозе Мурињо проговори по отказот кој го доби од Манчестер јунајтед, велејќи дека тој и клубот ќе „преживеат“ еден без друг.
Португалецот ги предводеше „ѓаволите“ до трофеј од Лига Европа и Лига купот во двете и пол сезони на чело на клубот, но не успеа да се „спаси“ од лошиот старт на сезоната 2018/19 и е заменет привремено до крајот на сезоната од Оле Гунар Солскјер.
Откако беше следен од новинарите при заминувањето од неговата куќа во Лондон, Мурињо одговори на прашањата на „Скај спортс“.
„Ме знаете мене, јас не се менувам. На пример, сега ќе го направам истото како кога си заминав од Челси. Ќе ги задржам убавите работи и нема да зборувам за случувањата во клубот. Можам да го направам тоа, но тоа не сум јас. Манчестер јунајтед имаат иднина без мене и јас имам иднина без Манчестер јунајтед. Тоа е готово, тоа сум јас, и така било секогаш. Секогаш сум ги критикувал менаџерите кои ќе си заминат и потоа зборуваат за деталите, пренесуваат вина. Јас не сум таков. Додека не се вратам во фудбалот, мислам дека имам право да го живеам мојот нормален живот“, одговори Мурињо.
Покрај оваа изјава, подоцна Мурињо објави и јавно соопштение до јавноста.
„Бев бескрајно горд што го носев грбот на Манчестер јунајтед од првиот ден кога пристигнав и верувам дека сите навивачи на Јунајтед ќе го препознаат тоа. Како и кога работев во претходните клубови, имав соработка со некои прекрасни луѓе со кои ќе останам пријател цел живот. Сите сте свесни за моите професионални принципи. Кога ќе се затвори поглавје од кариерата, ќе ја покажам потребната почит и нема да ги коментирам поранешните колеги. Се надевам дека и медиумите ќе ја почитуваат таа одлука додека не се вратам во фудбалот. Честит Божиќ“, се вели во соопштението на Португалецот.
“I have nothing to say. You know me.” ?
Jose Mourinho speaks for the first time since leaving @ManUtd near his home in London.
Follow all the reaction to Jose Mourinho’s sacking by @ManUtd as Ole Gunnar Solskjaer replaces him as interim boss here: https://t.co/kouvEuOFMj pic.twitter.com/kv7tx3jdqE
— Sky Sports News (@SkySportsNews) December 19, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.