Спорт
На свештеник од СПЦ не му било дозволено да го посети Ѓоковиќ за Божик
Српската православна црква (СПЦ) објави соопштение во кое истакнува дека австралиските власти го одбиле барањето православниот свештеник од Мелбурн, Милорад Лончар, да го посети Новак Ѓоковиќ во хотелот за мигранти, денеска кога православните христијани го прославуваат Божик.
„Би сакале да ја информираме јавноста дека денеска, на денот кога српските православни верници го празнуваат благословениот празник Рождество Христово, со благослов на Неговото Високо првосвештенство епископ Силуан, поглавар на соборниот храм Света Троица во Мелбурн, протојерејот Милорад Лончар, по побарана дозвола за посета на Новак Ѓоковиќ, е одбен со образложение дека никој не смее да влезе во објектот кој е притвор за мигранти, поради важечките ковид-рестрикции. Известени сме дека за никој од притворените не се дозволени верски посети од јули 2021 година“, се наведува во соопштението на Црквата во кое се додава дека нема посебен простор, нема оддел, а за жал не е направен напор да се обезбеди место во рамките на миграцискиот прифатен центар каде што би можеле да се вршат посети од ваков вид.
Австралиско-новозеландската митрополија на СПЦ го осудува, како што велат од таму, кршењето на човековите и верските права, како и третманот на сите оние кои се притворени во приифатниот центар.
Вечерва во знак на молитвена поддршка ќе се одржи молебен пред прифатилиштето во кое во притвор е и Новак Ѓоковиќ, додаваат од Црквата.
Откако на светскиот рекет број еден му беше одбиена визата и му беше забранет влез во Австралија за да се натпреварува на првиот Гренд слем сезонава, неговиот татко Срѓан Ѓоковиќ вчера одржа прес-конференција.
За денеска се најавени нови протести во Белград, а навивачите на Ѓоковиќ се собираат пред хотелот во Мелбурн каде е затворен српскиот тенисер.
Во меѓувреме, за прв пат откако пристигна во Австралија, тенисерот објави нешто на социјалните мрежи.
Ѓоковиќ на Инстаграм им го честиташе Божик на православните верници: „Мир Божји. Христос се роди. Среќен Божик. Божјата љубов нека ве крепи и исполни“, напиша тој.
Само неколку минути подоцна, тенисерот објави ново стори: „Благодарам на моето семејство, Србија и на сите добри луѓе ширум светот кои ми испраќаат поддршка. Ти благодарам мили Боже за здравјето“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.