Спорт
Неверојатно! Модриќ пред 28 години чувал кози на планина! (видео)
Во хрватските медиуми се појави неверојатна снимка на која е „фатен“ Лука Модриќ, „моторот“ на хрватската репрезентација и на Реал Мадрид, како на пет години „тера“ кози на планината Велебит.
Павле Баленовиќ, поранешниот член на музичкиот бенд Плава тр…
Во хрватските медиуми се појави неверојатна снимка на која е „фатен“ Лука Модриќ, „моторот“ на хрватската репрезентација и на Реал Мадрид, како на пет години „тера“ кози на планината Велебит.
Павле Баленовиќ, поранешниот член на музичкиот бенд Плава трава заборава, снимал документарен филм за волците на Велебит, кога „фатил“ кадар кој стана апсолутен хит. На падините на Велебит во близината на Задар го забележал петгодишниот Модриќ во преголема јакна како чува кози.
Откако еден коментатор на Јутјуб со чудење се запраша дали се работи за Модриќ, Баленовиќ кратко одговори: „Да, тоа е тој“. Според „Тпортал“, Баленовиќ пред речиси три децении нашол мал волк и решил да го пушти на планината Велебит, нешто што е документирано и во филм на „Би-би-си“, „Човек-волк, дневникот на Павле Баленовиќ“. Баленовиќ објаснува во коментарот.
„Од детството ме воодушевуваше природата и животните, посебно волковите. Кога почнав да патувам запознав луѓе. Семејството Модриќ беа пристојни и добри луѓе. Ги посетував кога одев да ги снимам животните и животот во планините. Така го снимав пријателот и неговиот син како ги чува козите. Наскоро, во 1990 година, војната го уништи нивниот дом и веќе не ги видов. Си заминаа како многу луѓе од тој крај. И тогаш пред неколку години добив информации кој е тоа мало дете кое помагаше. Овие снимки тој не ги виде, бидејќи сега првпат се објавуваат“, вели Баленовиќ.
Малиот Лука се гледа на снимката околу 2:30 од видеото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.