Спорт
Невидена драма на „Олд Трафорд“ – Јунајтед испадна по осум пенал серии од Дерби (видео)
На проблемите на Жозе Мурињо и на Манчестер јунајтед им нема крај. Откако денеска се појавија вести за нов конфликт на Мурињо со Пол Погба (кој не беше во составот), второлигашот Дерби каунти ги елиминираше од Карабао купот по драматични 90 минути и ду…
На проблемите на Жозе Мурињо и на Манчестер јунајтед им нема крај. Откако денеска се појавија вести за нов конфликт на Мурињо со Пол Погба (кој не беше во составот), второлигашот Дерби каунти ги елиминираше од Карабао купот по драматични 90 минути и дури осум серии пенали на „Олд Трафорд“.
А сѐ започна како што посакуваа „ѓаволите“ – Хуан Мата уште во третата минута доби одлична топка од Џеси Лингард и донесе водство од 1:0. Меѓутоа, Дерби, под водство на тренерот Френк Лампард во второто полувреме успеаја да направат целосен пресврт.
⚽️ Carabao Cup: Manchester United vs Derby County | Harry Wilson (GOAL) 59′ pic.twitter.com/ussYkytT8F
— CY☆9NEXUS (@D9INE_NEXUS_) September 25, 2018
Хери Вилсон во 59. минута постигна апсолутно невозможен гол од слободен удар, а Јунајтед остана со играч помалку откако голманот Серхио Ромеро интервенираше со рака надвор од шестнаесетникот во 67. минута. Кога се мислеше дека ќе се оди на пенали и Јунајтед некако ќе ја спаси честа, Џек Мериот во 85. минута го совлада ветеранот на голот Ли Грент за Дерби да дојдат на работ до славна победа.
Меѓутоа, „џокерот“ на Мурињо, Маруан Фелаини во 94. минута доби одлична топка од младиот Диого Далот за да ја „зачука“ во голот и да примора пенали.
Во пенал-серијата, двата тима беа прецизни до осмата серија, кога Фил Џонс не успеа за Јунајтед упатувајќи катастрофален обид кој беше одбранет, за победа за сеќавање на Дерби!
КАРАБАО КУП, 1/16 ФИНАЛЕ
Блекпул – КПР 2:0
Бурнемаут – Блекбурн 3:2
Бартон – Барнли 2:1
Милвол – Фулам 1:3
Оксфорд јунајтед – Манчестер сити 0:3
Престон – Милдзборо 2:3 на пенали
Вулверхемптон – Лестер 0:1
Вајкомб – Норич 3:4
Манчестер јунајтед – Дерби каунти 2:2, 7:8 на пенали
ВБА – Кристал палас 0:3
Мурињо до Погба: Веќе никогаш нема да си капитен на Јунајтед!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.