Спорт
Ниту Мароко не може ништо против „семоќниот“ Роналдо
Португалија е блиску до пласман во осминафиналето на Светското првенство во Русија, откако Кристијано Роналдо постави нов рекорд за да ги крене до 1:0 победа над Мароко во вториот меч од групата Б.
По херојскиот хет-трик за 3:3 реми со Шпанија, Роналдо…
Португалија е блиску до пласман во осминафиналето на Светското првенство во Русија, откако Кристијано Роналдо постави нов рекорд за да ги крене до 1:0 победа над Мароко во вториот меч од групата Б.
По херојскиот хет-трик за 3:3 реми со Шпанија, Роналдо го постигна единствениот гол во дуелот со незгодната африканска нација за да ги крене надежите дека Португалија може далеку доколку тој е во топ-форма. Иако пред мечот неколку португалски репрезентативци потсетија дека фудбалот го играат 11 луѓе на теренот и посочија дека не е само Роналдо на теренот, овојпат победата повторно ја осигура токму тој.
Роналдо уште во 4. минута го постигна прекрасниот гол со глава, негов 85. во португалскиот дрес, со што стана најдобар европски голгетер во историјата, поминувајќи го легендарниот Унгарец Ференц Пушкаш (84) и останувајќи само зад Иранецот Али Даеи (109 гола).
What a goal. ?????
It’s an honour and a privilege to have witnessed Cristiano Ronaldo playing football. #PORMAR#WorldCup pic.twitter.com/eleLPNjmnQ
— J:Moss ?? (@MnisiJulius) June 20, 2018
Притисокот на мароканскиот гол продолжи и во 9. минута, Роналдо шутираше од далеку, но потоа африканскиот тим ја врати рамнотежата во играта и често беше пред голот на Португалците. Амрабат посебно им правеше проблеми на Португалците, а Мароко двапати бараше пенал, но судијата Гајгер и ВАР не се огласија.
Роналдо во 32. минута се обиде од слободен удар од 15-тина метри, а во 38. минута одлично го проигра Гуедеш, но одбраната на Мароко беше сигурна.
Мароканците „притиснаа“ на почетокто на второто полувреме, заканувајќи се двапати преку Белханда, а во 60. минута, капитенот Бенатија шутираше силно од десетина метри, но не беше прецизен.
Мароко имаше поголем посед на топката во текот на целиот меч, но ниту една од шансите не успеаја да ја реализираат до крај, со се првиот тим кој е елиминиран од Мундијалот по поразот од 0:1 од Иран во првиот меч.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.