Спорт
Нишикори ги преживеа „бомбите“ на Карловиќ, Раониќ го доби Вавринка (Видео)
Кеи Нишикори ја преживеа „канонадата“ на Иво Карловиќ и во најдраматичниот меч во досегашниот тек на Гренд-слемот во Мелбурн, избори пласман во третото коло. Јапонецот и 40-годишниот Хрват одиграа пет сета, а Нишикори го доби супер тај-брејкот со 10:7….
Кеи Нишикори ја преживеа „канонадата“ на Иво Карловиќ и во најдраматичниот меч во досегашниот тек на Гренд-слемот во Мелбурн, избори пласман во третото коло. Јапонецот и 40-годишниот Хрват одиграа пет сета, а Нишикори го доби супер тај-брејкот со 10:7.
Нишикори одлично го започна мечот и поведе со 2:0 во сетови, откако првиот сет го доби со 6:3, а вториот со 7:6.
Меѓутоа Карловиќ не се предаде и успеа да израмни на 2:2 во сетови. Третиот и четвртиот сет ветеранот ги доби со 7:5.
Драмата кулминираше во решавачкиот сет, а Нишикори си го трасираше патот до победата кога во деветтиот гем успеа да спаси три врзани брејк топки.
Карловиќ во овој меч 124 пати излезе на мрежа, а имаше 59 ас сервиси.
„Сервираше 60 ас удари? Тоа е еднакво на мојот број на ас сервиси во текот на една година“, рекол Нишикори по мечот.
Јапонецот во третата рунда ќе игра против Жоао Соуса кој исто така во пет сета го порази Филип Колшрајгбер.
Интересен меч одиграа и тенисерите што некогаш беа во Топ 10 во светот, Милош Раониќ и Стан Вавринка. Победата му припадна на тенисерот од Канада. Интересно четирите сета беа решени во тај-брејк, а најнеизвесен беше третиот кој Раониќ го доби 13:11.
Првиот сет го освои Вавринка, а наредните три му припаднаа на Раониќ.
Максимални победи во второто коло забележаа Карењо-Буста против Белорусот Ивашка, Чориќ против Унгарецот Фучович и Фоњини против Аргентинецот Мајер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.