Спорт
Нова симултанка на Џејмс Харден (Видео)
Џејмс Харден одигра уште еден брилијантен меч, со 45 поени го предводеше Хјустон до победа над Бостон 127:113. „Брадата“ на последните десет натпревари има просек од 38,7 поени, 5,4 скока и 8,2 асистенции.
Харден против Бостон погоди девет тројки од 18…
Џејмс Харден одигра уште еден брилијантен меч, со 45 поени го предводеше Хјустон до победа над Бостон 127:113. „Брадата“ на последните десет натпревари има просек од 38,7 поени, 5,4 скока и 8,2 асистенции.
Харден против Бостон погоди девет тројки од 18 обиди, што е негов личен рекорд. На последните осум натпревари бекот на Хјустон постигнува најмалку 30 поени, а на последните шест постигнал 35 и повеќе поени, со што го израмни рекордот на Кармело Ентони.
Покрај Харден кај Хјустон се истканаа уште и Клинт Капела со 24 поени и 18 скока, односно Ерик Гордон со 20 поени. Бостон го предводеа Кајри Ирвинг со 23 поени и 11 асистенции, односно Маркус Морис со 19 поени.
Милвоки втор пат во изминатите три дена славеа победа над Њујорк. Јанис Адетокумбо со 31 поен, 14 скока, 8 асистенции и 3 блокади, односно Крис Мидлтон со 25 поени, 6 скока и 5 асистенции, го предводеа тимот до победата 112:96.
Бен Симонс забележа трипл-дабл (13 поени, 14 скока, 12 асистенции) во убедливата победа на Филаделфија над Јута со 114:97. Најефикасен кај Фила беше ветеранот Џеј-Џеј Редик со 24 поени, додека Џоел Ембид забележа 23 поени и 15 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…