Спорт
Отпишаната Словенија ја победи Русија
Словенија ја изненади Русија со 29:27 во последниот меч од групната фаза за двете репрезентации, но и покрај тоа беше елиминирана од турнирот по двата порази во првите две кола.
Русинките претходно ги победија и домаќините Франција и Црна Гора, па влег…
Словенија ја изненади Русија со 29:27 во последниот меч од групната фаза за двете репрезентации, но и покрај тоа беше елиминирана од турнирот по двата порази во првите две кола.
Русинките претходно ги победија и домаќините Франција и Црна Гора, па влегоа опуштено во последното коло, и по израмнетото прво полувреме дозволија Словенија да избега со победата. Во групата Б се одредени трите патници во наредната фаза пред последниот меч помеѓу Франција и Црна Гора.
Слична ситуација е и во групата А, каде што Шведска со 23:22 ја победи Полска (која е елиминирана), а Данска ќе оди на трета победа во три меча против Србија од 21 часот.
ГРУПА А
Шведска – Полска 23:22 (10:5)
Данска – Србија 21.00 ч.
Табела: 1.Данска 4, 2.Шведска 4, 3.Србија 2, Полска 0
ГРУПА Б
Русија – Словенија 27:29 (13:13)
Франција – Црна Гора 21.00 ч.
Табела: 1.Русија 4, 2.Франција 2, 3.Црна Гора 2, 4.Словенија 2+
Ana Gros can go home with her head held high and a @salming_hand Player of the Match award after leading @rzs_si ?? to a 29:27 win against @rushandball ??#RUSSLO #ehfeuro2018 #handballissime pic.twitter.com/yFPcRSXs3u
— EHF EURO (@EHFEURO) December 4, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.