Спорт
Павар ќе остане во Штутгарт
Поранешниот технички директор на Баерн, а сега спортски директор на Штутгарт, Михаел Решке, проговорил за статусот што во клубот го има францускиот репрезентативец Бенжамен Павар. Тој за германските медиуми изјавил дека иднината на десниот бек е поврза…
Поранешниот технички директор на Баерн, а сега спортски директор на Штутгарт, Михаел Решке, проговорил за статусот што во клубот го има францускиот репрезентативец Бенжамен Павар. Тој за германските медиуми изјавил дека иднината на десниот бек е поврзана со Штутгарт.
Павар одигра брилијантно на Светското првенство во Русија и со Франција ја освои титулата. Неговите настапи го привлекоа вниманието на Баерн и Тотенхем, а тренерот на клубот од Минхем, Нико Ковач, дури и рекол дека би сакал да го имаа во својот тим 22-годишниот десен бек.
„Бенжамен е играч за големи екипи, тоа е сигурно. Меѓутоа уште една сезона во Штутгарт ќе биде добра за него, бидејќи тука може да созрева како играч. Фактот дека порано се врати од одморот зборува дека тој е среќен овде“, рекол Решке.
Павар кариерата ја започнал во Лил, а од пред две сезони е во Штутгарт.
Неговиот гол против Аргентина, во осмина-финалето на СП е прогласен за најубав гол на шампионатот.
???OFFICIAL: @BenPavard28‘s stunning goal for @FrenchTeam v Argentina has been chosen as the @Hyundai_Global #WorldCup Goal of the Tournament!https://t.co/U0WEmz7dOM pic.twitter.com/BnsbNWoCKI
— FIFA World Cup (@FIFAWorldCup) July 25, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.