Спорт
Палермо на суд бара исфрлање на Парма од Серија А
Тимот на македонските репрезентативци Илија Несторовски и Александар Трајковски, Палермо, преку суд ќе се обиде да изделува исфрлање на Парма од Серија А, и преземање на нивното место.
Клубот од Сицилија бара разгледување на СМС-пораките на напаѓачот н…
Тимот на македонските репрезентативци Илија Несторовски и Александар Трајковски, Палермо, преку суд ќе се обиде да изделува исфрлање на Парма од Серија А, и преземање на нивното место.
Клубот од Сицилија бара разгледување на СМС-пораките на напаѓачот на Парма, Фабио Чераволо пратени до фудбалерите на Специја пред клучната пресметка во Серија Б минатата сезона, барајќи од нив да „не се обидуваат премногу“. Чераволо и неговиот клупски колега Емануеле Калајо беа обвинети дека се обидувале да влијаат на резултатот, иако двајцата тврдеа дека се работи за шега.
Италијанската фудбалска федерација (ФИГЦ) покрена истрага, по која Парма е казнета со 5 поени во новата сезона во Серија А, Калајо доби двегодишна суспензија, додека случајот против Чераволо беше отфрлен бидејќи тој го загуби телефонот пред судењето.
Доколку се воведе казната од пет поени за минатогодишната сезона, Палермо ќе го преземе местото на Парма во Серија А и ова беше предобра шанса за клубот да се откаже.
„Палермо даде инструкции на својот легален оддел да се жали до властите за да се разјасни фактот дека и покрај деталната истрага ниту една порака од фудбалерот Фабио Чераволо не беше погледана на суд“, се вели во објавата на Палермо.
Comunicato della Società
➡️ https://t.co/VOgh0x5dky pic.twitter.com/oIoJI4FKQy— US Città di Palermo (@palermocalcioit) August 6, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.