Спорт
ПАОК доби три бода пред дербито со АЕК
Комисијата за жалби при Фудбалскиот сојуз на Грција (ФСГ) реши да му ги врати одземените бодови на ПАОК. Клубот од Солун беше казнет со одземање на бодови поради инцидентите кои се случија пред три недели кога не се одигра дербито ПАОК-Олимпијакос.
Тог…
Комисијата за жалби при Фудбалскиот сојуз на Грција (ФСГ) реши да му ги врати одземените бодови на ПАОК. Клубот од Солун беше казнет со одземање на бодови поради инцидентите кои се случија пред три недели кога не се одигра дербито ПАОК-Олимпијакос.
Тогаш тренерот на Олимпијакос, Оскар Гарсија, беше погоден со ролни тоалетна хартија во главата. Мечто не се одигра, беше регистриран со службен резултат 3:0 за Олимпијакос. Исто така Дисциплинската комисија на ФСГ го казни ПАОК со 30.000 евра, на два натпревари го суспендира стадионот и на клубот од Солун му одзеде три бода.
Следуваше жестока реакција на клубот, навивачите организираа протести, а десетина од нив влегоа во студиотот на телевизијата ЕРТ 3 и го натераа водителот на спортските вести да го прочите нивното соопштение.
Комисијата за жалби одлуката дека на ПАОК му се вратени бодовите и дека е укината суспензијата на стадионот ја соопшти во раните утрински часови во неделата, што предизвика реакции од таборот на Олимпијакос.
„Јасно е за што се работи кога една ваква одлука е донесена во текот на ноќта“, порачале од Олимпијакос.
ПАОК вечерве од 18:30 часот ќе го пречека лидерот АЕК и овој меч може да биде решеавачки во борбата за титулата.
АЕК е лидер на табелата со 54 бода, два повеќе од ПАОК, а на третата позиција е Олимпијакос.
ПАОК шампионската титула во Грција последен пат ја освоил пред 32 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…