Спорт
Парис по третпат го освои тешкиот спуст во Бормио, страшен пад на Словенецот Коси (видео)
Доминик Парис го победи Криштоф Инерхофер за италијански 1-2 триумф на петочниот спуст на славната патека Стелвио во Бормио, трка која ја одбележи тешкиот пад на Словенецот Клемен Коси кој заврши во болница.
Коси ја загуби контролата на долниот дел од …
Доминик Парис го победи Криштоф Инерхофер за италијански 1-2 триумф на петочниот спуст на славната патека Стелвио во Бормио, трка која ја одбележи тешкиот пад на Словенецот Клемен Коси кој заврши во болница.
Коси ја загуби контролата на долниот дел од патеката и излета низ двата слоја мрежи. Од Словенечката скијачка федерација објавија дека тој е свесен и одговара на прашања, ги движи рацете и нозете, но има силни болки во вратот и гребнатинки на лицето.
Klemen #Kosi vola fuori di pista a #Bormio. Lo sloveno è subito stato portato in ospedale pic.twitter.com/GLOyBjalD2
— Giona Maffei (@GionaMaffei) December 28, 2018
Парис заостануваше зад Инерхофер на горниот дел на замрзнатата патека, но на крајот беше за 0.36 секунди пред сонародникот. Шампионот од СК во спуст, Швајцарецот Беат Фојц беше трет со 0.52 секунди послабо време. Парис, кој победи во Бормио во 2012 и 2017 година го израмни рекордот на Австријците Херман Маер и Михаел Валхофер со својата трета победа. Ова е 10. триумф во кариерата на СК.
„Во вториот дел го дадов максимумот, ја искористив својата сила и имав речиси совршена трка. Таквите победи се најубави“, вели Парис.
Четвртото место го освои Американецот Брис Бенет (второ четврто место по тоа во Вал Гардена), а изненадување направи Французинот Матју Баиле со шестото место иако беше 47. на стартот. Фојц е лидер во генерален пласман со 38 поени предност пред Австриецот Макс Франц, кој беше само 12. Утре на програмата во Бормио е супер-џи трката.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – Шестмина првотимци се повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.
Спорт
Челси го плати 62 милиона евра, тој одигра 36 минути и ја заврши сезоната
Челзи ги извести своите навивачи дека до крајот на сезоната е завршена за 20-годишниот играч од средниот ред Ромео Лавија. Кариерата на талентираниот фудбалер е забавена поради повредите, последната повреда е трета од доаѓањето во Челси.
Лавија пристигна во Манчестер сити од Андерлехт на 16-годишна возраст, а во тимот на Пеп Гвардиола дебитираше на 17-годишна возраст. Сепак, во 2022 година беше продаден на Саутемптон за нешто повеќе од 22 милиони евра. Челзи го донесе во август минатата година во трансфер кој надмина 62 милиони евра.
Оттогаш, тој пропушти 10 натпревари поради повреда на скочниот зглоб и пет поради фитнес проблеми, а потоа во декември минатата година заработи повреда на тетивата, поради која ја заврши сезоната.
Оваа сезона одигра само 36 минути, сите против Кристал Палас.