Спорт
Партизан се раздели со тренерот Ѓукиќ
Мирослав Ѓукиќ повеќе не е тренер на фудбалскиот клуб Партизан. На функцијата ќе го замени поранешниот играч на овој клуб Зоран Мирковиќ.
Ѓукуќ стана тренер на Партизан минатото лето и уште на самиот почеток на неговиот мандат навивачите не беа задовол…
Мирослав Ѓукиќ повеќе не е тренер на фудбалскиот клуб Партизан. На функцијата ќе го замени поранешниот играч на овој клуб Зоран Мирковиќ.
Ѓукуќ стана тренер на Партизан минатото лето и уште на самиот почеток на неговиот мандат навивачите не беа задоволни од неговата работа, но на функцијата се одржа бидејќи избори пласман во фазата по групи во Лига Европа.
Меѓутоа, Партизан, лошо ја започна новата сезона, во првото коло доживеа пораз од аутсајдерот Радник, а тимот лошо играше и во првите две кола во Лига Европа, иако „црно-белите“, преку Тракаи се пласираа во наредната рунда.
Токму реваншот со Тракаи и резултатот 1:1, пресуди раководството да му врачи отказ на Ѓукиќ.
„Моравме да смениме нешто во пресрет на дуелот со Нордсјеланд. Клубот сака да изрази благодарност за се она што Мирослав Ѓукиќ го направи. Се разделуваме како пријатели“, рекол генералниот секретар Милош Вазура.
Инаку, според српските медиуми, Партизан на Ѓукич ќе треба да му исплати помеѓу 250.000 и 400.000 евра бидејќи предвреме е раскинат неговиот договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…