Спорт
ПЛ: Сити без милост за Хадерсфилд, Ватфорд го освои Барнли (видео)
Манчестер сити сериозно влезе во одбраната на титулата од Премиер лигата, откако во второт коло од новиот шампионат со 6:1 го „прегази“ тимот на Хадерсфилд, предводени од Серхио Агуеро, кој се „почести“ со хет-трик.
Шоуто започна во 25. минута, кога Аг…
Манчестер сити сериозно влезе во одбраната на титулата од Премиер лигата, откако во второт коло од новиот шампионат со 6:1 го „прегази“ тимот на Хадерсфилд, предводени од Серхио Агуеро, кој се „почести“ со хет-трик.
Шоуто започна во 25. минута, кога Агуеро доби една долга топка од голманот Едерсон, ја „смеша“ одбраната на гостите, и постигна ефектен гол. Дека нема шега со тимот на Пеп, Хадерсфилд дозна во следните 10 минути, по кои веќе беше 3:0. Прво, Габриел Жесус успеа да се снајде убаво на работ на шестнаесетникот во 31. минута, за Агуеро да искористи уште една „климава“ реакција на одбраната за во 35. минута да зголеми на 3:0.
Словенецот Јон Станкович пред крајот на полувремето им даде надеж на гостите дека нема да доживеат катастрофа, меѓутоа Давид Силва во својот 250. настап во Премиер лигата, со неговиот син Матео на трибините постигна фантастичен гол од слободен удар во 48. минута, пред Агуеро да го комплетира хет-трикот во 75. минута по одличното нафрлање на Бенжамин Менди. Мизеријата за Хадерсфилд продолжи во 85. минута, кога Конголо си постигна автогол.
До втора победа во второто коло во ПЛ, стигна и тимот на Ватфорд, откако успеа со 3:1 да победи на тешкото гостување кај Барнли.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…
Спорт
Арне Слот преговара со Ливерпул
Ливерпул напорно работи да го најде наследникот на Јирген Клоп, а последен кандидат е Арне Слот. Тренерот на Феенорд бележи одлични резултати со холандскиот тим кој го привлече вниманието на великанот од „Енфилд“.
Феенорд, сезонава е на второто место во првенството, додека лани беше шампион, минатиот викенд го освои трофејот во Купот на Холандија.
Според добро информираниот Фабрицио Романо, веќе е остварен контакт помеѓу Слот и Ливерпул, а преговорите се движат во позитивна насока.
Наскоро се очекуваат нови разговори
Исто така, нема откупна клаузула во договорот на Слот со Феенорд, па холандскиот тим ќе бара обештетување за да му дозволи на тренерот пред време да го заврши договорот.
Истото се случи минатата година, кога Слот преговараше со Тотенхем, но не беше постигнат договор меѓу двете страни.
Спорт
Тајрис Мекси „најмногу напредувал“
Тајрис Мекси од Филаделфија Севентисиксерс најмногу напредувал оваа сезона. Мекси, во изборот за оваа награда, во која гласаат 100 претставници на медиумите, доби вкупно 319 поени, само 14 повеќе од второпласираниот Коби Вајт од Чикаго Булс.
Третото место му припадна на турскиот центар Алперен Шенгун од Хјустон Рокетс, на кого шансата да ја добие наградата му ја уништи повредата, поради која ја заврши сезоната месец и половина порано од останатите.
Минатата година, честопати заменувајќи го Џејмс Харден во стартната петорка, Мекси навести експлозија во неговата четврта сезона во НБА.
По заминувањето на Харден во ЛА Клиперс, а особено по повредата на Џоел Ембид, Мекси стана прва опција во нападот на Филаделфија. Сезоната ја заврши со просек од 25,9 поени, 3,7 скока и 6,2 асистенции. За прв пат беше избран и за Ол-стар натпреварот.
Со доделувањето на оваа награда, НБА почна да ги објавува сите индивидуални награди за оваа сезона, вечерва ќе го прогласи најдобриот шести играч, утре најдобар клач, а викендот најдобар тренер на лигата.
Следната недела следува прогласување на најдобриот дебитант и одбранбен играч, а кулминација е прогласувањето на МВП и првата петорка на лигата.