Спорт
Погба и „ѓаволите“ не дозволија славје на Сити (видео)
Манчестер сити сигурно ќе станат нови шампиони на Англија, само не овој викенд. Пол Погба со два гола ги инспирираше вечните ривали Манчестер јунајтед до неверојатна 3:2 победа на „Етихад“ во дерби кое имаше две целосно различни полувремиња.
По тешкиот…
Манчестер сити сигурно ќе станат нови шампиони на Англија, само не овој викенд. Пол Погба со два гола ги инспирираше вечните ривали Манчестер јунајтед до неверојатна 3:2 победа на „Етихад“ во дерби кое имаше две целосно различни полувремиња.
По тешкиот 3:0 пораз од Ливерпул во првиот меч од четврт-финалето на Лигата на шампионите, Сити ги пречекаа своите градски ривали знаејќи дека со победа ќе стигнат до петта титула во Англија, но Пеп Гвардиола се реши за комбиниран тим.
Сепак, и тоа беше доволно во првото полувреме, откако со два гола за пет минути стигнаа до 2:0 водство против катастрофалниот Јунајтед. Винсент Компани во 25. и Илкај Гундоган во 30. минута ги искористија грешките на одбраната на тимот на Жозе Мурињо за водство. Покрај тоа, Сити имаше уште барем четири сигурни шанси, додека Јунајтед неверојатно не успеа да упати ниту еден удар кон голот на Едерсон.
Во второто полувреме на висината на задачата, конечно, се крена Пол Погба, откако во 53. и 55. минута успеа да го совлада Едерсон за шок на домашните фанови. Головите беа посебно слатки откако пред мечот Гвардиола изјави дека му го нуделе Погба за трансфер во јануари.
Уште поневеројатно во 69. минута, Крис Смолинг донесе водство за „ѓаволите“ со добро изработена акција, конечно предизвикувајќи го Гвардиола во игра да ги внесе своите адути, Кевин де Бројне, Габриел Жесус и Кун Агуеро.
Навивачите на Сити најмногу ќе ја коментираат 78. минута, кога беше направен очигледен фаул над Агуеро во шестнаесетникот, но судијата Еткинсон реши дека тоа не е доволно за пенал. До крајот на мечот, Сити имаше уште неколку шанси пред голот на Јунајтед, но на висината на задачата беше Давид де Хеа.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.