Спорт
Пораз на шампионот, Драгиќ ги сруши Лејкерси (Видео)
Поразот на Голден Стејт од Сакраменто, новиот трипл-дабл на Расел Вестбрук, продолжување на победничката низа на Торонто Репторс и драматичната победа на Мајами во Лос Анџелес се главните карактеристики на натпреварите што во текот на изминатата ноќ се…
Поразот на Голден Стејт од Сакраменто, новиот трипл-дабл на Расел Вестбрук, продолжување на победничката низа на Торонто Репторс и драматичната победа на Мајами во Лос Анџелес се главните карактеристики на натпреварите што во текот на изминатата ноќ се одиграа во НБА лигата.
Актуелниот шампиин Голден Стејт без најдобрите Кари, Томсон и Дурент доживеа пораз на домашен терен од Сакраменто 98:93. Бади Хилд постигна 22 поени, на кои придодаде по седум скока и асистенции, а српскиот репрезентативец Богдан Богдановиќ уфрли 11 поени, а имаше и пет скока, три асистенции и една украдена топка.
Квин Кук беше надобар кај ГС со 25 поени. Актуелните шампиони го забележаа третиот пораз на последните четири натпревари и сега имаат три порази повеќе од лидерот на Западот, Хјустон.
Горан Драгиќ погоди флоутер на 15 секунди до крајот на мечот во Лос Анџелес и му донесе минимална победа на Мајами во дуелот со Лејекрсо 92:91. Словенецот беше најефикасен во својот тим со 30 поени, на спротивната страна се истакна Џулиус Рендел со 25 поени и 12 скока.
Мајами со оваа победа стигна до седмата позција на Истокот со 37 победи и 33 порази.
Вториот тим од ЛА, Клиперс, доживеа пораз во Оклахома 121:113. Блескаше повторно Расел Вестбрук кој го забележа четвртиот трип-дабл во низа (16 поени, 10 скока, 11 асистенции). Плејмејкерот на Оклахома има 22. трипл-дабл оставрувања во сезоната, вкупно 101 во кариерата.
Покрај Вестбрук добри партии кај Оклахома пружија и Кори Бруер (22 поени), Стивен Адамс (18 поени, 14 скока) и Пол Џорџ (19 поени, 7 скока, 7 асистенции).
Тобијас Херис ги предводеше Клиперс со 24 поени, а еден помалку со седум скока имаше Остин Риверс. Српските репрезентативци Милош Теодосиќ и Бобан Марјановиќ постигнаа 12 , односно осум поени.
Лидерот на Истокот Торонто, дури по продолжението забележа победа над Далас 122:115. Торонто ја запиша 11. победа во низа што преставува нов рекорд на франшизата.
Демар Дерозан со 29 поени и Јонас Валанчиунас со 21 поен беа најефикасни кај Репторс, додека Херисон Барнс постигна 27 поени за Далас.
Резултати:
Орландо Меџик-Бостон Селтик 83:92
Филалделфија ’76-Бруклин Нетс 120:116
Торонто Репторс-Далас Маверикс 122:115
Оклахома Тандер-ЛА Клиперс 121:113
Голден Стејт Вориорс-Сакраменто Кингс 93:98
ЛА Лејкерс-Мајами Хит 91:92
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.