Спорт
Различна среќа за сестрите – Серена во четврто коло, Венус во аут
Серена Вилијамс стигна до 17-та победа едноподруго на Вимблдон за да се пласира во четвртото коло по 7:5/7:6(2) триумфот над Французинката Кристина Младенович, додека нејзината постара сестра, Венус загуби во драматичен меч со 6:2/6:7(5)/8:6 од Холанѓа…
Серена Вилијамс стигна до 17-та победа едноподруго на Вимблдон за да се пласира во четвртото коло по 7:5/7:6(2) триумфот над Французинката Кристина Младенович, додека нејзината постара сестра, Венус загуби во драматичен меч со 6:2/6:7(5)/8:6 од Холанѓанката Кики Бертенс.
Серена има 23 гренд слем титули, од кои седум дојдоа на „Ол Ингланд клубот“, вклучувајќи ги двете титули кога последен пат играше во Лондон во 2015 и 2016 година. Минатата година, Серена не настапи бидејќи беше бремена.
Во четвртото коло, 36-годишната Американка ќе игра со уште една мајка, Русинката Евгенија Родина, која ја совлада Медисон Киз, иако на турнирот пристигна преку квалификациите.
Вилијамс останува единствената поранешна шампионка на турнирот. Нејзината сестра, петкратната шампионка Венус, Петра Квитова, Марија Шарапова и Гарбиње Мугуруза веќе се елиминирани.
Венус е осмата од топ 10 носителките кои испаднаа во првите три кола. Венус лани играше во финалето, а во 2016 година во полуфиналето, но 38-годишната ветеранка немаше сили во последните минути од мечот од 2 часа и 40 минути на жештината на Теренот број 1.
Бертенс сега игра со седмата носителка, Каролина Плишкова или со Романката Михаела Бурназеску за место во четврт-финалето.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.